مزايا صبايا الاردن

[2- كلهم شقر وعينيهم‏ ‏لينسيز ملونة يخزي العين . تقول هاي رجعتهم من السويد ;) . بتسألها بتحكيلك شو لينسيز؟هدول عيوني الحئيئيين

3. كلهم ببعتولك المسج التالي : اتصل فيي ما معي رصيد ، و عندي امتحان مش آدره أروح أشتري بطائة... ...مساكين

4. لو سألتها عن أحلى سنين بحياتها رح تحكيلك : ما بين 19 و 23 و بتشرحلك كيف كانت حلوة و مجننة شباب الجامعة وكيف كلهم بركضوا وراها و هي ما كانت تعبرهم _.

5.الشاطرة اللي بدها تقهر صاحباتها...بترن عل 1234(رقم مجاني لشركة الموبايل في الأردن) وبتنزل عرط و تخويث
و على آآ حبيبي و شو حياتي و i miss u يا عمري و بشوفك يا baby :lol!:

6. كلهم أخدوا رخصة السواقة بالواسطة ....و أكيد هذا واضح من البريكات الخبط أو السرعة اللي ما بتتطلع عن 20,أو حزام الأمان اللي بروح ما ينمزع‏ ‏قد ما هو مشدود :scratch:

7.بالجامعة بتطلب ساندوش لبنه - دايماً لبنه و إذا بدها تغير بتطلب منئوشة زعتر ، و الكولا دايت طبعا بس ترجع على البيت بتقوم بصدر المنسف لحالها ، والله ,بوكلونا على جوع ! :P

8. إذا حاولت تمسك إيدها بعد شهرين صحبة بتسلخك كف بتعمي ضوك ، ومش بعيد تبزق عليك قدام كل الجامعة ، بس إذا لقيتها "صدفة" بعرس ابن خالة عم أمها ، بتضلكوا على البست للصبح :shock: ، وبتشبكوا على الدبكة وأعطيني هوارة أبو الحلاني
.....ورووووح...للصبح رقص سلوووو_على أساس فريندز :bounce: طبعا

9. كلهم بابا بحبهم أكتر وحدة بين إخوانها .... وهي وبابا زي الصحاب و بابا بوخد رأيها بكل إشي :cyclops:

10. أكره إشي عليهم يشوفوك بتحضر مباراة ، بمعنى آخر أكتر إشي بكرهوا كرة القدم ، إلا إذا المباراة فيها إيطاليا :oops: أو إنجلترا :oops: بتلاقيهم قعدوا و بسطوا يبصبصوا على إجرين مالديني و بيكهام
بهاي معهم حق ، يعني بصراحة مالديني منظر و حسونة الشيخ ( لاعب فيصلاوي كحيان ) منظر

11. مريحين بالهم و تنحصر اهتماماتهم في المواضيع التالية :
روجيم: - لازم أنزل كمان خمسين كيلو ،
حومرة وبودرة: - نزلوا حومرة جديدة بطعم الكيوي ،
أووولتك أسشور شعري ولا أعمله كيرلي,
الأكل: - ماما طبخت جاجة محشية تفاح , :lol:
و ما بتغدوا غير ستيك مشوي ،و ما بشربوا غير مي .

الفن: - ما أزكاه brad pitt, :cheers: رايان شعره بجنن, :oops: شفتي أصالة ما أزنخها , مش ألتلك انه بشار بحب سلمى :P ,شفتي صندل نانسي,أحمد الشريف أحلى واحد بالعالم ! ;) , لون بشرة اليسا واااااااو, :lol!: حضرتي كليب جاد شويري ما أفيعوا :drunken: ؟
مو معئولة هالشاكيرا!!! :bounce:

12. كلهم ما بدخنوا ...بس بابا سمحلهم يأرجلوا عادي :bball:

13. عندهم حالة تشابه غريبة : إذا واحدة عملت تاتو تاني يوم كل البنات تاتو ، إذا واحدة حطت خلخال تاني يوم كل البنات خلخال ،إذا وحده صبغت شعرها أخضر تاني يوم بتنزلك موضة الأخضر _... :lol:

14.مواصفات حبيب القلب :
فايع و شعره طويل ,معه سيارة حلوة,موبايله آخر موديل,يعزمها كل يوم ع كوفي شوب , وإذا بشبه توم كروز :oops: بكون ممتاز

15. بتكون أطفش من حكيها ما في..وكلو قال و غاد و انداري و بديش و قرفانة...بالجامعة بتقلب آآل و هوناك و مو عارفة و ..thank u‎ و كتييير زهئانة

16. دايماً شنتتهم مليانة أشياء زاكية ، إذا جعت بتلاقي معاهم السيفوي بالشنتة شبس ،شوكلاتة ،بسكوت, دروبس ،علكة,سوس

-----------------------------------------------------------------------------------------------

مفاهيم ربما تكون صعبة عليكم:-
عرط:كذب
تخويث:مزح
تسلخك:تضربك
فايع:شاقق الدني بصدره ومش هامه حدا
اطفش :ادفش,اثقل
غاد:هناك
انداري:لا اعرف

شروط المشاركة:
1-عدم التنكيس
2-بكفي شرط واحد

طبعا بالآخر مش كل اصابعك واحد ومش كل بنات الاردن زي هيك

يسلموا يا امير وشكرا على الكلمه الاخيره
كلها مو هيك بس الاغلبيه عنجد هيك او كانوا هيك

ههههههههههههههههههههه
يخرب عقلك عنجد همه هيك
بس انا الحمد الله مو منهم
بنات جامعتنا اكتريتهم هيك بتلاقي الوحده لازم يكون التلفون شغال 24ع24 على دانها
وقصه سنيوره ولبنه اه والله هيك
مش عارف شو سر هاي سندويشه

يسلمو كتير رووووووووووووووووووووووووووووووووووعه الموضوع

لا أكيد كل البنات مش زي بعض
وشكرا على مروركو كلكو

ميرسي كتير
الموضوع حلو كتيررر

صحيح كلهم هيك

مالو هاد بلاك فير جاي على بالو يعمل طوشه
انا جاهز محسوبتك فاضيتلك
يا الله

هههههههههههههههههههههه
اخ على ايام سنيوره ولبنه
على فكره هاي برضه مو بالاردن بحسها بكب الدول