(((التعذيب على الكرسي ))).............

وقربت تقعد يا ميدو على الكرسي

مرحبا جنرال ميدو

كيفك ؟

شو اهم الاهداف ناوي تحققها بحياتك ان شالله؟

شو مواصفات شريكة حياتك ؟

شو رايك بالحب وتجاربك في ؟

شو اكتر طبخة بتحب توكلها ؟

طولنا عليكي سوري

asma كتب:

مرحبا جنرال ميدو

كيفك ؟
الحمدلله تمام أو منيح

شو اهم الاهداف ناوي تحققها بحياتك ان شالله؟
بصراحة اهم هدف بحياتي ناوي أحققه رح يكون قدام البرازيل بضربه رأسيه في الزاويه البعيده لحارس المرمى.

لا الهدف الأكبر امامي هو التخصص بعد ما قربت أخلص البكالوريس ..... وانا بصراحة حابب اتخصص جراحه في كندا إذا الله راد
وبعدها بيجي الهدف الأصعب وهو الزواج .... وهو مرتبط بالسؤال الذي يليه


شو مواصفات شريكة حياتك ؟
يعني مواصفات عاديه مش سوبر وومن : اولا شي الدين والأخلاق .... ثانيا العلم والجمال الأخاذ ( يعني حلوه كتير ) .... تالت شي بدي إياها تكون مرحه ودوواين زيي.


شو رايك بالحب وتجاربك في ؟
كويس منيح
انا بصراحة ويمكن الكل يخالفني الرأي بآمن بالحب بعد الزواج ... بكلمات أخرى ( بضم
الألف ) اختيارك للزوجه يجب ان يكون على أساس منطقي وعقلاني وبعيد عن العاطفه ... وبعد الزواج بتحبوا بعض على كيفكوا.
وبالنسبة للتجارب .... هي ما اسمها تجارب بس عموما ما تتوقعي أحكي بهيك مواضيع عالعام .


شو اكتر طبخة بتحب توكلها ؟
ااااهه ... إجينا للسؤال المهم
انا بشكل عام بحب كل إشي ما عدا المعكرونه وأي إشي فيه فول أخضر ..... وبشكل خاص بحب المقلوبه والمطفيه وأحيانا المنسف .

طولنا عليكي سوري

لا خدي راحتك

مرحبا كيفك ؟
شو شعورك حاليا وانتي على كرسي الاعتراف
؟؟

وسؤال صغير وبايخ
عباره عن شو هاي الطبخه الي بتحكي عنها (المطفيه)
عنجد صار عندي فضول اعرف شو هي؟؟

إجا دورك يا مسكين
وقعت والله وقعك , جاوب لشوف

مين بتحب أكتر الماما ولا البابا؟

كيفك يا كابتن ؟؟

كنت حابب اشوفك بالجامعة

بس الحق مش عليك عاخوك اللي ما جابك قبل الامتحانات !!!

يلا انشالله بنشووفك بالايام الجاي


بدي اسالك :

مين احلى جامعة دمشق ولا الجامعة الاردنية؟؟

وبالطريقة نفسها :

مين احلى سمك دمشق ولا سمك الاردنية؟؟


يلا طولنا عليك

هاي حبيب قلبي ميدو

والله وقعدوك عاالكرسي يا ميدو

بدي اسالك :
عمرك حبيت؟؟؟؟؟؟؟؟؟؟؟؟؟؟؟؟؟؟؟؟؟؟؟

ومين هاي الهبلة اللي انتي حبيتها ؟؟؟؟؟؟؟؟؟؟؟؟؟؟؟

سؤال اخير

اذا واحد حب بنت انت كنت تحبها او بدك اياها شو موقفك وشو ردة فعلك وشو بتسوي معاه

مين العضو الي نفسك تقعد تحكي معه تتعرف عليه كويس
؟؟

وكمان سؤال
راضي عن نفسك حاليا ؟؟

شو هلا دورك على الكرسي الله يعينك
اعدت ئبلك وجربت الله يكون معك
سوالي:
شو اسمك؟
حكيت انك بتامن بالحب بعد الزواج يعني هلا ما بتحب؟

بتحب المنتدى وليش سجلت في؟
اسفه طولت عليك؟

بما اني نفس التخصص شو رايك بطب الاسنان ؟
وليش دخلتو؟ وشو احلى سنه مريت فيها في التخصص؟
ومن وين شتريت كتب سنه تانيه ههههههههههههه؟ وازا لسه عندك ابعتهم ههههههههه

مرحبا يا حبوب
انت عمرك دخلت بقصص حب

سؤالي
وينك يا ميدو ما بتجاوب على الاسئلة
؟؟؟؟

ايواااااا
بالنسبة للوفللي غيرل:
شعوري ؟؟ ...... حاسس حالي معلق على حبل غسيل .
أما االمطفيه فهي أكله تؤكل لما يكون جاي على بالك مطفيه ...... وهي تتكون من اللبن الجميد والزهره......إشي مش طبيعي ..... دماااار

بالنسبه لأميرة الشااام:
انا بحب المابا أكتر ...... يعني بحبهم كلهم قد بعض وما بحب أميز بينهم لأنه ما حدا قصر معي.

بالنسبه لعاشق البرشا :
وأنا كمان كنت حابب اتعرف عليك .... على كل ما صار إشي ..... الأياااام جاي (اسم مسلسل تركي نازل في رمضان )
والأحلى طبعا الجامعه الدمشقيه ( على القليل هناك بتدخل على راحتك .. يعني ما في تفتيش على هويات ما هويات )
كمان السمك السوري أحلى و أطيب ما بدها سؤال يا باشا


بالنسبه لملك القلوب :
بصراحه أسئلتك حساسه كتير ..... وبتضرب على الوتر الحساس ... سوري كتير ما رح أجاوبك على أول سؤالين لأن موضوعهم حساس.
أما السؤال الثالث ..... فكل واحد حر بمشاعره ...ما رح أمنع حدا يحبني .... وما رح أمنع حدا يكرهني حتى لو كنت أكن الإعجاب لهذا الشخص.


بالنسبه لحياة الرووح :
بصراحة حابب أقعد مع الكل وأتعرف عليهم..... وأنا طبعا راضي عن نفسي أكيد .

بالنسبه لسمسم :
انا اسمي محمد .... والسؤال التاني .... أكيد ما في إنسان ما حب...
السؤال الثالث ... أنا دخلت المنتدى عشان أخي امير البحر ... وفي البدايه عجبني لكن بعدين صرت أشوف في حساسيه ومخالفات في المنتدى ما عجبتني.. لا بسيطه خدي راحتك.


بالنسبه لريال لوف :
طب الأسنان ما دخلته عن رغبه لكن اكتشفت فيما بعد انو تخصص رائع بل أكثر من ذلك ويحقق جميع طموحاتي المستقبليه ( عسى ان تكرهوا شيئا وهو خير لكم ).
أحلى سنه كانت السنه الرابعه ( بلشنا فيها التدريب في المستشفى وبلشنا نتعامل مع المرضى والعالم والواحد طور علاقاته الإجتماعيه بشكل مخيف )
كتب السنه التانيه أكيد من الجامعه ولا زالو عندي .... إذا بدك بعيرك إياهم مش أعطيكي إياهم ... لأنهم عباره عن ذكريات.

بالنسبه لمايس أبو سنينه:
يعني سوري منك ... انت شكلك داخل المنتدى بس عشان تسألني هالسؤال .
يعني ما رح جاوبك للأسف.


بالنسبه لسويت هارت :
انا هيني هون .... بس الواحد صار عند شوية مشاغل



شكرا جميعا على هذا اللقاء على أمل أن ألقاكو في الحلقات المقبله...

امير البحر الله يرضى عليك بدي أقوم عن الكرسي خلصو الأربع أيام

على راسي جنرال...

كبير يا معلم ... بس عججبتني شعورك وانتي عالكرسي

لا نقول وداعا بل الى اللقاء بحلقة جديدة معك

شكرا عاتصالك كانت معاك هلا من شركة زين وفرصة سعيدة خخخخخخخخ


يلا شباب خنشووف عضو تاني نرمضن عليه شوي ...


111111111111111

2222222222222222222222222

3333333333333333333333

44444444444444444444444444444

55555555555555

66666666666666666666666666666666

77777777777777777

88888888888888888888888888888

99999999999999999999999999

وانا بختر بس ana

ماشي يا امونة بصير خير

هاي تاني مرة بقعد عالكرسي

مش حراااام؟؟؟

بس انا بعرف كيف اردها

تحياتي لكل الاعضاء......