يوميات عيله برمضان

مرحبا ياجماعه كيفكم اليوم حبيت احط هاي الفكره عنا بالمنتدى شوفت الكل مشالله انار بفكره عظيمه من عنده ئلت ليش ما انا كمان اعمل زيهم
ئمت اخترعت هاي شغله اتفضلو اقرائوا واحكولي رائيكم

رمضان جو عائلي , [ندعوك للتسجيل في المنتدى أو التعريف بنفسك لمعاينة هذه الصورة]

لانو عكس كل الايام كل العائلة رح تئعد مع بعض على سفرة وحدة بوئت واحد حتى تفطر , [ندعوك للتسجيل في المنتدى أو التعريف بنفسك لمعاينة هذه الصورة]

وبرمضان بتسير معانا اكشنات كتير , خصوصا رمضان هاد لأنو الكل معطل , [ندعوك للتسجيل في المنتدى أو التعريف بنفسك لمعاينة هذه الصورة]

وفي ناس بتعصب وهي صايمة وناس بتكون رايئة وناس بتدور على المشاكل بالعيلة حتى تضيع وئت , [ندعوك للتسجيل في المنتدى أو التعريف بنفسك لمعاينة هذه الصورة]

وناس بتضل تنئ جعانة عطشانة جعانة عطشانة بيجي عبالك تطخهم , [ندعوك للتسجيل في المنتدى أو التعريف بنفسك لمعاينة هذه الصورة]

وانا رح انئللكم اكشنات عائلة زي اي عائلة من عائلاتنا في شهر رمضان , [ندعوك للتسجيل في المنتدى أو التعريف بنفسك لمعاينة هذه الصورة]

رح نبين تصرفاتهم الرمضانية ونشوف كيف رح يئضو رمضان , [ندعوك للتسجيل في المنتدى أو التعريف بنفسك لمعاينة هذه الصورة]

رح نكون معاكم بنقل حي ومباشر من بيت عائلة ابو احمد

نشوف ابو احمد وام احمد واولادهم

نشوف كيف حتعيش هادي العيلة رمضان , [ندعوك للتسجيل في المنتدى أو التعريف بنفسك لمعاينة هذه الصورة]
وكيف انتو كمان رح تقضوا يعني مو لحالي رح اكتب
انتو كمان اكتبو عن اليوم الي قضتوا وشو صار فيو اكشنات حلوه ومو حلوه وهيك اشي يعني باختصار افضحوا حالكم عنا

تقديم : lovely Girl [ندعوك للتسجيل في المنتدى أو التعريف بنفسك لمعاينة هذه الصورة]
thx
رمضان كريم
وكل عام وانتو بخير
[ندعوك للتسجيل في المنتدى أو التعريف بنفسك لمعاينة هذه الصورة]

والله فكرة ناااار وحلوة كتييييييييير
كل واحد يحكي شو اهم الاحداث الي بتصير معو
والمواقف المضحكة كمان

بدنا تفاعل من كل الاعضاء

حلوة الفكرة وانا معك فيها
رح اكتب كل الهبل اللي بتعمليه برمضان
لانه انتي مع الجوع بتنضرب فيوزاتك

بالنسبة لليوم
ما صار اشي لسا
واللي بيجيب وجع الراس برمضان اللي هو
messi
الحمدللله مو بالبيت ابصر وين راح

وماما اللي ما بتفوت اول رمضان على خير
لسا ساكته ومكشره
اتوقع في اشي رح يصير
خاصة انه اجت شافتني شغالة على اللابتوب
ومو مساعدها
باختصار الله يستر

بعد الفطور بتصير العجايب
ورح احكيلكم اياها
بس ازا حكتولي انتوا شو بيصير معكم
يعني ما رح انشر غسيلي لحالي
لازم تنشروا انتوا غسيلكم كمان

سلاااااام
ورمضان كريم

هاي ياجماعه كيفكم
انا حاليا صابني اشي اسمه هلوسه ما بعد الفطور
مش عارف شو صابني
الله يعين امي وابوي علينا
ميسي عمل فترات مشالله بين الاكل بتقدرو تقولو استراحه مابين شوطين
وهلا صار يشتغل بشوط الاضافي الي هو الفطور الجماعي نمبر تو على توالي
الي هو عباره عن شيبس شوكلاته وتوابعهم
وانا وادمن اشي من الاخر ربع ساعه واحنا بنجلي وامي تبهدل على المنظر الرغوه عبت الدنيا
كبينا الملوخيه على الارض حاله لا يرثى لها المطبخ والمصيبه بالموضوع انه احنا ئاعدين بنتبهدل ونفس الوئت بنضحك وفارطين من ضحك صابتنا نوبة هستريا

بس بتعرفو مو عارف اكل مع اني كنت جعان كتير وعطشان
والاكل مشاالله خيله
يسلمو ايديها شكفه(اسم دلع تبع ماما)كتير بدعت بالاكل
ملوخيه ومقلوبه وصواني كفته وباميه وطبعا توابعهم زاكيه لبن سلطات تمر هندي جاج مشوي
خلص صرت نفسي ارجع اكل
هلا حاليا برجعلكم اجدد الفضايح والاكشنات الرمضانيه مع عائله ابو احمد

تشااااووو

صحيح انسيت احكيلكم السيد بابا والاخ احمد اخوي مشالله الناس بتحضر شغلات على تلفزيون متل رمضان معنا احلى والكاميرات الخفيه وشغلات حلوه
احنا لا
مشالله علينا اللهم لا حسد
على الوحدات
قناة الوحدات الي بدهم يخلوني اكره اشي اسمه وحدات من رواهم بالاحرى من ورى احمد بابا حرام مو كتير
ال انا بدي اشيل عن رمضان معنا احلى واحط اشي حلو لهو طلعلنا الوحدات
اخ بس
اللهم اشطب قناة الوحدات واجعلها من المشفرين

آمين يارب العالمين

اما انا بالنسبة الي كان اول يوم رمضان كتير مريح لا عطش ولا جوع
على الفطور كانت لمة حلوة
انعزمنا عند دار اخوي بس ما حدا اكل كويس
مع انو كان الاكل بشهي
وكله سطل بعد الاكل

وانتوا كيف كان معكم اول يوم
؟؟؟؟؟

lovely girl كتب:: صحيح انسيت احكيلكم السيد بابا والاخ احمد اخوي مشالله الناس بتحضر شغلات على تلفزيون متل رمضان معنا احلى والكاميرات الخفيه وشغلات حلوه

احنا لا

مشالله علينا اللهم لا حسد

على الوحدات

قناة الوحدات الي بدهم يخلوني اكره اشي اسمه وحدات من رواهم بالاحرى من ورى احمد بابا حرام مو كتير

هههههههههههههههههههه

ولا اشي
كبار الوحداتية

شايفة الانتماء كيف يا ست لفلي احنا الوحداتية هيك دايما
شو بدك تسوي ..

:lol!:

بالنسبة لعيلتنا ما بعرف شو صاار باول يووم

لاني ليلة رمضان كنت سهران انتنت ... وبعد السحووور رحت عالجامع صليت ورجعت وجهزت حالي لرحلة نووووووم ..

وبالفعل كانت رحلة طويلة

صحييت عال6 ونص المسا .. لهدا السبب ما حسيت بالصيام اول يووم

بس كنت اسمع طراطيش وانا ناايم

اشي طوش بين اخواني الصغاار ... واشي ميدو بحضرلي برامج ومسلسلات عالتفزيوون

واشي امي بططبخ مقلووبة ....

وبس صحيت صليت واعدت افرا قرااان عبين ما ادن

وافطرنا مقلووبة من الخر مع المقبلات والحلويات

وصحتين وعافية ،،

مرحبا يا احلى اعضاء
ورمضان كريم
اول شي الحمدلله الصيام تمام لانا هاليومبن معطلين وكلو نوم وسهر ونت

تاني شي حابة احكيلكم احلى نهفة بتصير معنا برمضان
والي هي عن اخوي الصغير سامح (سمسم)
اول يوم بيجي ابل السحور ال بدو يطلع يصحي الناس عالسحور ( خايف ما يصحو بيا حرام)
وبدو يصحيهم متل ما كان يصحي ابو غالب الحارة هيك بوول
ومعو طبلة وعصاي وبدو يطلع
ما خليتو وهددتو
واز مبارح ابل السحور الاخ بدو يطلع التلو لا طبعا وكانو كل اخوتي وبنات عمي سهرانين
واستغفلنا كلنا وطللع
والا بنسمع الصوت طلع (يا نايم وحد الدايم اومو عسحوركم اومو ..اومو يلي ما بتدومو).. متل باب الحارة تماما
طلعنا عالبرندة واز الاخ بطبل
التلهم بسرعة الحقو وجيبو فضحنا يخرب بيتو هلا بجنن العالم
وانادي عسمسم ولا هو هون
لحقتو هدهد بالاول وهرب منها وبعدها the lord وهو هارب وبصحي بالعالم وبطبل
ضل ماشي لوصل دار خالي وسيدي
طبعا الفويغو عند هيرو لف عالنت يعني عند دار خالي طلعولي صيحو علية وهو ابدا مكمل
بالاخر وقفولو كلهم وشحطو عالبيت
بس حتى وهمي ماسكينو بطبل وبصحي (كانو واجب وطني)
وانا واقفة عالبرندة ومتابعة وبضحك (عنجد اكتر مرة بضحك بحياتي)

طبعا توايلايت ولفلي فاهمين منيح وبتخيلو لانهم حافزين المنطقة صح؟؟؟
هههههههههههههههههههههه

سوري طولت عليكم بس حبيت احكيلكم هاي النهفة لانها عنجد نهفة
اقراوها وخبروني رايكم

ويلا كل عضو ينشر غسيلاتو معنا

تحياتي لكل الاعضاء
ورمضان كريم

هههههههههههههههههههههههه
احلى سموحة والله
حبيبي عنده افكار لا بتيجي على البال ولا على الخاطر
حبيبتي
Ana
بوسيلي اياه
او بالاحرى دوسيلي اياه

المهم طمنينا حد صحي من الحارة الكريمة
بالاخص سيدك وستك شو عملوا فيه
لانهم بيصحوا ازا اتنفسنا

انا اليوم كان عندي يوم امل من الملل
ما عملت شي
صحيت متأخرة وكانت ماما صارت تقريبا مخلصة غسيل
وانا بموووت من جو الغسيل
فقعدت اقرأ قرآن واشتغلت شوي معها بلا ما نوكل بهدلة
الفطور كان نفس فطور مبارح
اللي بيزيد الملل انه لفلي طول الوقت برة البيت
وصلت قبل الفطور بساعة ونامت
وبس صحيت حبت تفش خلقها فيي
وتعلق علي
مو خالص منها
شو اعمل فيها قولولي
؟؟؟؟؟

هادا انا مو شايفة غيرنا
انا و امير البحر و لفلي و
Ana
اللي كتبنا وين الباقي
هالقد ما بحبوا يحكوا شو بصير معهم برمضان
ولا مكسلين يكتبوا
على العموم شكرا على المشاركة
ويسلمووووو للي كتبوا كتير

هاي ياجماعه رجعتلكم بعد فتره
حبيت اليوم احطلكم احلى يوم بحياتي هو صح كان زنخ اوله بس بعدين بيجنن

طبعا اليوم خامس يوم من رمضان
اول ماصحيت طبعا على 8 ونص وغيرت على سريع وطلعت على الدوام امتد دوامي انا وليب ستيك الى ساعه 2 وربع بزبط
بما انه تعبانين وطفرانين وزهقانين قررت اروح افطر عند ليب ستيك
ائعدنا نبسطنا ولعبنا وطفرنا ونعسنا وجعنا وعطسنا بدكمش طولة سيره
بعد الفطور الذي دام نص ساعه او اكثر لقمه وحده وعشره حكي
صابنا نوبة هستريا من الضحك والهبل وكل الي على الطاوله يضحكوا على ضحكنا وهبلنا وانتو لسا ما بتعرفوا شو يعني احنا نجتمع
وهبلنا معنا وخصوصا انو احنا فرحانين ليش بنوكل (طبعا مش فرحة الصائم هاي )
طبعا بعد الراحه من الاكل قررت اني اروح على البيت
طلعنا انا وليب ستيك واخوها ومرته على الشارع عشان نركب السياره طبعا تركناهم يركبو السياره واحنا سبقناهم على الشارع الرئيسيوشو كانت مشيه اخت شلن انا كنت ماشي زي معتز وهي زي ابو شهاب طبعا كنا ما خدين راحتنا بالمشي والهبل عشان كان بالحاره عندهم حظر تجول عارفين ليش اكيد طبعا باب الحاره كانت شغاله صرنا نتخوت ونقلد اشي من الاخر ركبنا السياره بعد مية اقناع من اخوها انو ننضب ونفوت بس الله وكيلكم اشي نوع من سطل والهسترى
روحنا على الدار وكملنا سهره
وهلا روحت من عنا
وهلا انا نعسان وتعبان ونفسي انام من هون للعيد

وتحياتي للكل

ههههههههههههههههههههههههههههه
يخرب عقلك يالولو
نيالكم كان يومكم كتير حلو
ياالله لو نجتمع كلنا الي بالمنتدى على طاوله وحده رمضانيه

هههههههههههههههههههههههههههه

عنجد نيالكم كان يومكم كتير حلو

انشاء الله كل الي بي المنتدى يمضو الوقت متلك

الله اكبر
بعد غياب دام سنه
رجعنا نرد على هاد الموضوع
طبعا اول شي كل عام وانتم بالف خير
اليكم اخر الاخبار

طبعا مبارح بعد ما عرفنا انه بكره رمضان عن اليوم دغري قررت اني مااحط اشي بتمي ولا اشرب
ال ليش عشان اكل كتير على السحور
طبعا استنيت السحور على نار
واجا وئت السحور وهون المصيبه طبعا صحيت كل اللي بالبيت ادمن الله يرضى عليها عملت اكل زاكي وسفره طويله عريضه وطبعا انا لما اكون جوعان بحب انفض التلاجه على الطاوله من غبائي عملت اندومي وانتو عارفين شو يعني اندومي على السحور
ولما ئعدنا على السفره ئعد معي الهبل مو عارف شو مالي وشو صار معي وئتها ولسه بدي احط لقمه اتزكرت انه لازم اصور فيديو عشان اول سحور وكمان عشان عنا دموع الورد وسوسو واول مره برمضنوا عنا وبلشت اسال وانصور طبعا بنص التصوير ئلت اصور واترك الاكل ويروح الاكل علي لا يما دغري سلمت الامانه دغري لسوسو وتركتا تصور وانا اكول واحكي طبعا مو عارف بابا ليه كل شوي كان يحكيلي خلص اسكتي دوشتينا حرام ما كنت احكي كتير
بعد السحور متنا ضحك حسيت حالي خلص لوزي وضهري ومعدتي تشنجوا
وبعدها صليت وقرات جزء من القران ونمنا
صحيت تاني يوم زي اللي الكلب لاحقه لانو كانت الساعه 3 ولاول مره بنام لهاد الوئت دغري صليت الضهر وقرانا قران وصليت العصر وحضرنا فيلم اجا بابا اول ما فات حكيتله اي ساعه بادن وهون انفتح العداد الاسئله اخر سؤال سالته لما حكالي ضايل 20 دقيقه هون ولعت صرت انط واصرخ من الفرحه
واكلنا وتصورنا على الفطور زي كانه اول مره بنفطر بحياتنا
ورتبت واشربنا قهوه وهلا عندي سوسو وادمن ودموع الورد صرعوني بلعبوا ئاعدين لعبة الاغاني وال الهبل بالموضوع انه بيغنوا عادي بس لما دموع الورد تحط اغنيه على الموبايل يصرخوا عليها ولي حرام الاغاني برمضان
بسم الله مشاالله دين بنقط
وهلا انا بكتب وادعولي بكره مااجوع
ويلا بدنا يوميات عيلتكم انتو
شو رائيكم حلووو اليوم

» عادات الشعوب برمضان...
» يوميات في الجاهلية ..
» يوميات إمرأة
» يوميات قرصَان
» يوميات طالب قرفان