دلوني لقبره وهناك ادفنوني..!!

ياللي دفنتوا جثته.. ليه تبكون؟
لولا الحيا..لأقول : معكم خذوني
منه انحرمت وكنت انا عنه مسجون
ما أذكر لمحته .. غير مره بعيوني
شفته ..وكانت فرحتي مالها لون
عجزت لأوصف .. من لمحته شجوني
ياليتني ..كنت الكفن يوم تمشون
أبقى معه بالقبر ثم تدفنوني
أو ليتني .. من خلفكم كنت (مجنون)
أتبع خطاكم والعذر هو : جنوني
أبكي وراكم .. وأدعي ان كان تدعون
ما يكفي انه عاش عمره بدوني؟؟
تكفون هاكم عمري اليوم تكفون
برخص حياتي دام خابت ظنوني
ما فادني صبري !! ولا فادني عون
ولا فادني دمع(ن) .. حرق لي جفوني
يا ما بكيته والبكي يحرق عيون
ميت أو انه حي .. دمعي بعيوني!!
العام كان بفرحته.. يعزف لحون
واليوم ؛ تحت الأرض .. ماهو بكوني
لكن أنا في فرحته كنت مدفون
فوق الثرى .. واليوم موته سجوني
(سميت قلبي عقب فرقاه ملعون)
هو و الليالي .. عن هناه امنعوني
ياليتني.. ماعشت لحظه بهالكون
و ياليت ربعي في سكات اذبحوني
وياليتكم .. عن همّي اليوم تدرون
منه انحرمت ومن عزاه .. احرموني
حتى بوفاته !! يوم أنا طحت مطعون
أخفيت طعناتي .. قبل لا يفضحوني
بكيت!! لكن .. ماتظاهرت بالهون
أبكي وأقول : الموت هو سبة طعوني
إن كان في حبّي أنا ..ماتحسّون ..؟

ياالله شو هاد ياملك القلوب نكدت علي وعلى مودي رايق
بس فعلا بيجنن الحكي
وبعيد شر عن قلوب المحبه وقلوب كل البشر اللي بتستحق انها تنحب وتتحب
وشكرا

لا حول ولا قوة الا بالله متى صار هاظ الحكي
؟؟
ياجماعه انت ونودي بدكم حبس بقسم الفرفشه ومؤبد كمان
بس بتعرف فوق ماهو نكد موظوعك بس حلو

شكرا عالمرور الكريم