من العابنا المدرسية (اضرب واهرب) ...

كنــّــا في الزمنات نلعب لعبة شرسة و جميلة :pirat: على مرّ سنتين ع التوالي ( ايّام الصف الثامن والتاسع )
في مدرسة فيصل بن الحسين ,...تقوم هذه اللعبة على مبدأين بسيطين ( 1 - اضرب واهرب :bounce: ) واختلس الفرصة المناسبة لتوجيه ضربة فنيــــّة تنسي بعا الخصم اسمه او الحليب الي رضعه من امه ( هو اصلن في حدا متزكر ... ما علينا ) ... :|

( 2 - اوّل ما يرنّ جرس انتهاء الفرصة تخلص اللعبة على الفور .. وبدون نقاش ) ....

كنّا ننقسم الى عصابتين كل عصابة مكونة من 5 لعـــّـــيبة .. ويظل افراد العصابة هم .. هم .... ولا نغير اي لاعب من اللعيبة تحت اقسى الظروف بحيث لايتم انتقال فرد من العصابة الاولى الى الثانية وبالعكس :king: ...

المهم
ومفش في هاي اللعبة زعل ايش ما انضربت او تبهوgـت او انشل أملك :bounce: ... ( نحن نوفر لك جو اللعب المناسب .. وانت عليك ان تنفذ بجلدك وتحافظ على صحتك .. فكن حريصا على حياتك :| )

وبلّش اللعب يا معلم ... بننزل ع الساحة ( الساحة ..و ما ادراك ما الساحة .. ( وانتو مش غرب ع جو المدارس في الفرصة .. طعة وقايمة و الواحد يللا عارف وين الله حاطه .. طب كيف لمن يكون الواحد متوقع تيجيه الضربة من تحت الارض .. او ضربة غدر من الخلف .. ومش بعيدة تلتمّ العصابة الضد عليك لحالك وجماعتك بتدور عليهم ومش لاقيينهم وهم بيكونو حاشرينك الله اعلم وين ..( عصابتنا الي كانت تقوم بهذ الحركات وجاييكو بالتفاصيل ) )

اتفقنا انا وصاحبي حسام انو كل واحد يحمي ظهر الثاني ( زي الأفلام ) 8) ... وإذا صحتلنا فرصة الاستفراد بأحد اعضاء العصابة المناوئة ما بنقصّر :pirat: ,.. بنقوم معاه بالواجب ( وأحسن من اولاد الحج اسماعيل كمان :P ) كنا انا وحسام متعطّــشين نمسك ( سمير بيك ) لانه إلنا 3 ايام ورا بعض بنفقده و ما بنلاقيه ( الله اعلم بتصرمح فين ) دوّر لاطش انا وحسام عليه مش ملاقيينه :bounce: ... نفلنا الساحة واحنا نبعبش .. مش مبين معانا .. زي اللي بدور ع ابرة في كومة قشّ ... :roll:
.. الحمد لله كشفناه ع الرادار .. طلع العرص قاعد هو وكمان اثنين عند المنصة تبعت سارية العلم ( أمر ببناء هذ المنصة المدير الحقير الملقّب بــ ( الذبابة سوسو ) :scratch: عشنّه كان يلبس نظارات سودا ماكلة 3/4 وجهه 8) و طالع فيها زي الذبانة الذكر ... قعدنا نتطلع عليه وكابسة معانا ع ضحك :lol: ( اخيرا يا حسام عرفنا وين هو .. الحمد لله .. الله منّ علينا يا خوي يا فريد ) كانت قرحتنا ولا زي كأنه بكرة العيد ...
وما شاء الله ع سمير بيك كان هو وهذولاك الثنين ( طبعا ً ملهمّش علاقة باللعبة ) بتناقشو
في امور الأمة وهو يستمع إليهم باهتمام ووقار :drunken: ... وما شافولك الا زي كإنو 2 هاجمين عليه
وشحطناه من رجليه و طجـــّيناه ع الأرض واعطيها شلاليط ع نص بطنه انا وحسام ( رفــــّـــشنا فيه ترفــــّـــش :bounce: ) والاحلى من هيك كنــّـا مسخسخين ع حالنا من الضحك ( مش مسدّقين حالنا انو احنا اقدرنا نمسكه :pirat: ) اكل الي فيه النصيب من الشلايط,ولا شلاليط سيزار في الكابتن رابح :lol!: ...
بعدين احزنــــّا عليه ( يا حرام بهدلنا صحته ) قوّمناه ( عالاول ) ..قومناه وقعدنا نكتكت بأواعيه :cheers: ...
وبعدين ردّينا بطحناه ع الارض وانزلنا فيه كمان مرة :pirat: ... ضلينا ندبك ع بطنه ندبك ندبك :bounce: ... بس يا أخي طول ما انا قاعد بدبك حاسس اشي بشدني من بلوزتي من ورا ... ( بقول تامر انسى انسى شكله بتهيألك ) ..
فتامر ( مشكلجي ) : بدي أوريك نجوم الظهر يا سمير بيك ...
بعدين صار الشدّ من البلوزة يزداد على شكل بكسات ... لفيت وجهي اشوف مين بدق ع ظهري
( ميييين ؟ ) ... طـــُــبّ .. والا هو سمير :shock: ... ولك لعاد احنا صارلنا ساعة بنظرب في مين !!!؟؟
... أتاريه واحد من الي كانو قاعدين معاه وبتحاوروا في شؤون الأمة والمجتمع المدني ...
:P
كل هاظ من الفرحة عشان قدرنا نعرف وين هو سمير ( بطلنا نشوف قدّامنا ) وصار في خطأ في انتقاء الفريسة :pale: ... قوّمنالشب وقعدنا نكتكت اواعيه ... واعتذرنا لـــه ... والحمد لله قبل الاعتذار
وصار يضحك ( تقول واحد بشّره ب مليون ليرة) . وصرنا نضحك عشنّه ضحك ... اتاريه الأفندي بضحك عشان مساعد المدير كان واقف ورانا وحضر الحفلة من أولها لآخرها :shock: ... احنا اول ما شفناه ابتسمنا :)
ولكن بعد ثانيتين و 47 جزء من الثانية صرنا بدنا انعيـــّــط :(
بسّ الشب الله يحميه اسقط حقه ... وقال شو المساعد بدو حق عرب ( الحق العام )
قال يللا كل واحد 30 عصاي ع الحارك ... جبد حسام اول 21 عصاي :bounce: .. والا جرس انتهاء الفرصة قاعد برن ّ ... قلت للمساعد خلص
المساعد : ايش الي خلص
تامر : خلص رنّ الجرس .. والا انسيت ... القانون