مواجهه هادفة بين الشباب والبنات.............

يعني اسم الله عليكم انتوا
ما بتتصنعوا يا حرااااام
حزنتوني عليكم
والله

Alfwegho
يا حبيبي
احكي مزبوط وتعال احكي تاني مرة
احنا مو كلنا واحد
وانت اكتر واحد بتعرف انه مو كلنا هيك
بصفتك ما شاءالله
اللهم لا حسد
خبييير
خخخخخخخخخخخخ

ما تزعل
بمزح


سؤالي

ليه ما بيعجبكم العجب ولا الصيام برجب
؟؟؟؟؟

واتوقع انه سؤالي واضح

يا حرام شكلكو غيرانين متلنا لانو احنا احسن منكم
احنا مو ما بيعجبنا شي بس احنا هيك مستوانا هيك تفكيرنا بشي مفيد

هلا ليش انتو يا بنات بكون دوامكم على الساعة 9 تصحو من النوم على الساعة 7 ؟ احكولي
اما احنا الشباب ربع ساعة بنكون جاهزين

لأنه يا ذكي
في اختراع اسمه حجاب
بدنا نزبطه

وللبنات اللي ما بيلبسوا حجاب لازم يزبطوا شعراتهم
وشعرهم طويل بده وقت

مو زيكم بتطلعوا شو ما تكونوا ما بتفرق معكم
و الاصح طلعتولي موضة الشعر المزيت يعني ما بتتحمموا
آل شو موضة



طيب انتوا ليش ما بتحترمونا
يعني لما تيجي الوحدة فينا تركب باص
ويكون مليان بضلها واقفة وما في ولا واحد فيكم
بيقوم وبقعدها

Alfwegho كتب:

يا حرام شكلكو غيرانين متلنا

ههههههههههههههههههههههه

يا جماعة الخير ليش معصبين طولوا بالكو شوي
الموضوع الب طوشة مش نقااش
مش مستاهلة بنضل ابناء منتدى واحد خخخخخخ




هلا احنا يا admin ما بنحترمكو ؟؟
احنا مش بس بنقعدكو محلنا وبندفع الاجار عنكو كمان (خرفان) بس انتو ما بتحسوا فينا يمكن
:silent:

طيب انتو ليش ما بتحبو غير السنكرز والغلاكسي
بطلت تنفع شوكلاتة ام البريزة؟؟؟ يعني من شو بشكي البريك

مع اني ما بعرف البريك بس تركناها الكم ازا معجبتكم
واحنا كلنا زوء عشان هيك ما بنحب الا الزووووء

سؤالي :
ليش انتو دايما بتشوفو البنات تافهات ؟؟

مش دايما غالبا

لانو ما بهتمو غير بشكلهم من برة
اما يهتمو بعقلهم من جوا (سلامتك)
نصهم مأجرينو شهري أو عالضمان خخخخخخ


طيب ليييييييييش البنات ما بحبو يلبسو جلابيب؟؟؟

ازا انت لبست جلباب واطلعت فيه ولفيت فيه سبع لفات ئدام جامعتك
وئتها بلبسه
خخخخخخخخخخ
بمزح معك
لا مين حكى احنا مابنحب جلابيب بالعكس جلباب كتير حلو ومرتب على البنت بس انا بئولك الا كثريه مابلبسو
لانو مو حلو عليهم وبحسو حالهم زي حبه الكوسا والبذنجان


ليش مراهقتكم دايما بتقضوها دايما ئدام المدارس البنات ؟؟؟

بنحب ننكش مخاتنا عليكو خخخخخخخخخخخ
بنكون فاضييين وفش ورانا اشي غيركو يمكن
بس هلا اكبرنا وصرنا نهتم بمواضيع اكتر اهمية (مع احترامي الكو)



طيب ليش انتو بتحبو دايما شمة الهوا؟.؟؟؟

والله لانها بعيده عن اشي اسمه نكد وزهق



ليش كلكم نفس المشيه
بتلاقي الواحد فيكم
مقوس وجسمه مرخي وايديه رافعات شوي كانو صايبوا صمات تحت اباطه
ههههههههههههههههههههه
ورجليه مرخيات كتيييير وزي الشريطه طبعا
لا بمزح
اكيد بالغت في الحكي بس عنجد ليش انتو بتمشو زي بعض؟؟؟

هلا انتو يا شباب بدي اسئلكم سؤال وبتمنى كل (بعض)شباب المنتدى يجاوبوني ع السؤال
والسؤال كالتالي:
هلا انتو بتموتوا ستين موته عشان تحكوا مع بنت(الحبيبه) وتتمنوا انها ترد عليكم

بالمقابل ازا اختك حبت واحد وطلب يحكي معها انت بجن جنونك ما بدك هالشي

السؤال ليش انتو ممكن تحبوا اما اختك ممنوع(حرااااااااام)وللعلم بكون بحدود الادب؟؟؟؟

وكمان ازا طلب يحكي معها ما بتقبل انت مع انك انت بتعرف انها بتحبوا وهو بيحبها وبنفس الوقت بتعرف الشوق والحب ايش بعمل بالواحد؟؟؟

واااااااااااااااااااااو سؤال من الاخر يا amoona
يلا شباب وانا كمان حابه اعرف رايكم في الموضوع

اول شي مش كلنا نفس المشيه
لانه احنا شباب واحد مافي فرق بينتنا
وتحياتي لشباب المنتدى

هاد رد على سؤالك يالفلي

لا مو ستين موته اصلن
عااااااااااااااااااادي
مو كل شباب واحد في شباب بخافوا على خواتهم لانه احنا في زمن لا يؤتمن
بس في شباب متفهمين الوضع وبكون عادي بس بيعملوا حالهم انهم مابدهم خوف على اخوته نفسها بس
ياريت تغيري نضرتك

سؤالك ويييييييييين
؟؟؟

يلا ياشباب وانا وين اسالتكم

وين المواجهه

شو اكتر لون بتحبو الشباب يلبسو او بتشوفوا انو حلو عليهم؟

يا صلاة النبي شو انتوا اصلا عشان نفكر شو اللون يلي حلو عليكم
كلكم على بعض مو شايفينكم
انا صحيح جاوبت متاخره مش عشان شي بس ظروف
بس كلمه لكل الشباب عمركم ما تحطوا حالكم مقارنه مع البنات وخصوصا المحترمات
لانه مافي شاب بيقدر يطلع معاهم براس واول ما بتفكروا تزوجوا بتحفوا وراهم ولما تزوجوهم بتصير زي الخانم بيدهم وازا مو هيك بتكونوا خاينين وعينكم بره يعني كيف ما تحسبوها بضل عنكم شرش المكر والخداع وقلب زي الصوان ولوا بدي اكمل ما بخلص اوكي
مع احترامي طبعا بحاول



سؤالي

ليه نفسي اشوف او الاقي شاب مقتنع بحاله
وبصراحه لانه اكيد مافي ؟؟؟؟

اولا : شكرا هالمشاركة في النقاش (الي صار طوشة )
تانيا : لا تعممي عكل الشباب وقللي من استخدام كلمة (كل) اريحلك ومش كلهم زي بعض
تالتا : ازا بتحبي تعبري عن رايك احكي بصيغة المفرد لانو هاد (اكيد) مو راي باقي البنات بالمنتدى او بالاحرى بالعالم



الجواب:
يمكن لانك انتي مش حاطة براسك انك تلاقي شباب زي هيك
يعني ازا نزرتك الهم هيك كيف بدك تلائي؟؟؟؟؟؟؟؟؟؟؟؟

وسامحيني عشدة اللهجة
بس هاد للمصلحة العامة والله



من بتفضلو زلمة غني كتييير وفايع ولا زلمة عقد حالو وبخاف الله؟

لا اكيد بفضل زلمة عقد حالو وبخاف الله
لانو الي بخاف الله بعرف كيف يعامل زوجتة واولادو وبعرف كيف يتعامل مع كل الناس
بس الفلوس بتروح وبتيجي وما ي شي دايم
واحلى رصيد عند الشخص دينو واخلاقو


سؤالي:
انتو الشباب شو بتعنيلكم الزوجة ؟ وشو قيمتها عندكم؟

اكيد الزوجة هي النصف التاني اللي بكمل حياتنا واللي بزيدها سعادة واستقرار

واكيد قيمتها كبيرة عند كل الرجال وكلهم بكون همهم انو يحافزو عسعادتها وراحتها



يتحبي انو يكون الك سيارة مستقلة عن زوجك ولا الكو التنين سيارة وحدة؟

لا كل واحد يكون الو سياره لحالو احسن
عشان اعرف اطش وين مابدي
خخخخخ
بمزح
لا احلى يكون الاتنين نفس السياره



ليش دايما لما يكون الموضوع او الخطا خطاكم بتخدو بسخافه
اما ازا كان خطئنا تخدو جد ؟؟؟
مشاء الله عليكم

اول شي يسلمو كتير على الموضوع الحلو

سؤالي الكم يا شباب
كيف بتشوفو الدنيا بنضرتكم وكيف بتحاولوا تتعاملوا معها ؟؟

ليش دايما لما يكون الموضوع او الخطا خطاكم بتخدو بسخافه
اما ازا كان خطئنا تخدو جد ؟؟؟
مشاء الله عليكم[/quote]


يمكن استهتار ولا مبالاة

حياة الروح كتب:

اول شي يسلمو كتير على الموضوع الحلو

سؤالي الكم يا شباب
كيف بتشوفو الدنيا بنضرتكم وكيف بتحاولوا تتعاملوا معها ؟؟

الحياة حلوة للي بفهمها وبفهم كيف يتعامل معها

انا بنزري اهم اشي رضى الله واهلي عني
وتحقيق الاحلام والأمنيات والخطط المستقبلية




يلا يا بنااااات:
شو السر ببرنامج ستار اكاديمي ؟؟ كتيير مكيفين عليه ؟؟؟
وليش بتحبو الباش لهالدرجة ؟؟ ما عمركو شفتو شباب يعني؟؟ في احلى منو بكتيير