مغامرات ميدو وملك القلوب وامير البحر ...

مرحبا شباب وصبايا

صار اليوم معي انا وميدو وشادي (ملك القلوب) قصة خف عقلنا منها !!!


الساعة 12 ونص ظهرا وكنا انا وميدو نايمين بامان الله ومكيفين بالنووم

وما نسمع الا ويدق الباب

واكيد انا ميزت الدقة ... هاي دقة شادي :bounce:

اجا فوتو صاحبي وقعد عالكرسي وانا وميدو لسا نايمين

اجا علي عالتخت وصار يضرب في كفوف اني اصحى وعلافاضي .... :sleep:

المهمز ... صحي ميدو وقعد مع شادي يسولفو ...

وبعدها بشوي انا صحيت :bounce:

طبعا شادي طالع من عملية ومش مجمع رمى حالو عالتخت وبلش يديون اكيد بقصص الحب والغرام.. :oops:

الساعة صارت 2 واشي واحنا مش ماكلين ولا اشي ...

اجينا اتفقنا انا نطلع ناكل بمطعم الجامعة بما انو انضف وازكى

فقبل ما نوصل اعطيتهم الخطة :pirat: عشان اقدر ادخلهم معي عالجامعة

قلتلهم انا بفووت من الرئيسي وبرجع بحط هويتي الجامعية بكتاب وبعطي الكتاب لميدو من مكان تاني

وشادي بفووت عهوية جامعتو

المهمز ... :bounce: فتت انا طبيعي عهويتي وطلت الهوية وحطيتها بكتاب واعطيت الكتاب لميدو فيهو الهوية واعطيتها غبرة عالمطعم والتلهم يفوتو من الباب التاني


راحو الشباب الطيبة ميدو وشادي يفوتو من باب العلوم

اجا ميدو فات عهويتي عادي

:bounce: وبعدي اجا شادي يجرب حزو

واجا زي الاسد فرجا هوية جامعتو للامن وما رضيو يدخلو

حكالهم بدي اروح عالمكتبة ... ما رضيو

حكالهم بدي افوت اراجع العيادة ... ما رضيو

المهم .. رن عميدو وحكالو مش راضيين

حكالو ميدو هلا بعطيك هوية تاامر

واجا ميدو الفهمان وقدام الامن بكل جراءة وصراحة بزرقلو الهوية (نصب عالامن عيني عينك)

هون بتيجي الحبكة في القصة ....



اجا الامن ناداهم : بالله يا شب انت وياه تعالو عندي جااي

وعرفو الامن انهم بدهم يفوتو التنين عنفس الهوية

وهاي عليها عقوبة طبعا ..

فصل صاحب الهوية من الجامعة :shock:

اجا ميدو عمل حالو ما الو دخل واعطاها غبرة برة الجامعة

والامن مسكو شادي المسكين .. وتحقيق ولمين الهوية وليش بدك تسوي طوشة جوا والقصص هااي

شادي خف عقلو ,,,




طبعا الشباب تاخرو وانا قاعد بستناهم بالمطعم

رنيت عميدو اسالو وين انتو ..

بحكيلي انا برة الجامعة ومسكوني بعطي الهوية لشادي وهي شادي عند الامن

انا انصدمت

شووووو؟؟؟

رحنا فيها :shock:

لاني بعرف انها عليها انذرا او فصل

المهم قلتلو هلا برن عصاحبي لانو ابو دكتور وبنحاول نحل المشكلة !! (البلد كلها واسطات )

فرنيت عصاحبي قلي عشر دقايق بكون عندك :bounce:

المهم وانا قاعد بستنى صاحبي ما بشوف غير سيارة الامن ( شيفروليت 2009) مارقة وشادي قاعد فيها بين اربعة من الامن :lol:

انا قلت لبسو لشادي تهمة بالارهاب او اشي زي هييك (كان شكلو بحزن )

عرفت انهم راح ياخدو عمكتب الامن الرئيسي

اانا عصبت معي ورحت ركاض عمكتب الامن

فتت ادور بين المكاتب عشادي ما لقيتو وطلعت (شكلهم كانو يعذبو في بالزنزانة) :pirat:

طبعا كنت ارن عشادي الف تلفون ويفصل علي ...

رنيت وجاوب بحكيلي تعال حليت المشكلة انا بمكتب الامن


ورحت ولا كان شادي مدخل واسطاتو كلها بالموضوع ومش مخلي مسوول بالبلد :lol: والله وطبع واصل شادي


واخر اشي انا رحت وبقلي تبع الامن تعيدهاش يا تامر


وبعدها شادي بقلي امشي خلينا نطلع من الجامعة بلاش تنفصل عنجد

قلتلو وحياتك ما احنا طالعين قبل ما نتغدى

ورحنا عالمطعم ........


وبعد كل هاي المشكلة طلع المطعم مسكر لانو الدوام خلص مباارح

خخخخخخخخخخخخخخخخخخخخخخخخخخخخخخخخخخخخخخخخ

وجينا طلعنا من نفس الباب اللي نمسكو في الشاباب

وشادي حب ينكش مخو عالزلمة اللي مسكو


راح عليه وقلو

يعطيك العافية ابو الشباب :pirat:

( يعني انو ابضاي وحل المشكلة )


واخر اشي روح شادي وتغدينا انا وميدو برة :bounce: