دليل :كيف تعرف الشخص الفلسطيني من بين سكان العالم ؟؟؟

بيفهم في الطب وبيشخص المرض وبيوصف لك الدواء وبيفهم في الكهرباء وتصليح السيارات والطبخ والسياسة والقانون والواجب والدين والحسابات والكورة وهو أبيض يا ورد .

* بيحط الريموت كونترول في كيس نايلون حتى ما يتغبّر ولا يضيع ولا يتوسخ.

* بيوقف يتكلم عند الباب نصف ساعة، بعد انتهاء الزيارة والسلام.

* في خزانة المطبخ، عنده عشرين مرطبان مربى فاضي، ومازال مُصِر على جمع المزيد.

* يأتي قبل الموعد بساعة وربع دون أن يعتذر.

* يتكلم بصوت عالي في المكالمة الدولية، علشان الثاني يسمعه.

* بيعتبر حاله أفضل واحد في الشراء والمفاصلة، ثم يكتشف إن الشيء في المحل
اللي جنبه أرخص من غير مفاصلة.

* بيحتفظ بأكياس محلات اللبس والأحذية وورق الهدايا تحت فرشة التخت لسنوات.

* عنده صينية م**رات مقسمة لثلاتة أو أربعة أقسام، علشان المزاج.. لكن لا يستخدمها أبدا.

* يشتري قبل الإفطار في رمضان مواد استهلاكية متوفرة عنده في البيت.

* دائما ماشي بالسوق هو وزوجته، وابنهم الصغير بعيّط (يبكي).

* يتخانق ساعة دفع الحساب بحرارة شديدة على أنه هو اللي لازم يدفع.

*يفرش شرشف التخت على طقم الكنب، علشان ما يتوسخ، ولما يأتوا الضيوف يترك الشرشف على الكنب.

* يطفئ سيجارته بفنجان القهوة مع أنه في منفضة على الطاولة.

* دائما يبحث على الشيء الكويس والرخيص، وبموت في شيء اسمه "لقطة".

* يفهم بالسياسة، ورأيه دائما هو المزبوط، وكل العالم خونة والقضية باعوها وقبضوا حقها.

* دائما يعيش ضمن الحلم، ولا يقبل بأن يخرج منه.

* دائما يوصي أولاده "إصحا الناس تضحك عليك، وأكيد هو طول النهار بذل أولاده وبقول لهم شوف ابن فلان أحسن منك، وعامل مقارنة بينهم وجايب لأولاده إحباط.

* تدخل عنده المطبخ، راح تلاقي تنكة زيت زيتون، ونصية جبنة، وتنكة زيتون، هذا غير المرطبانات اللي فيها زيتون، بالإضافة للأعشاب، إشي زعتر وإشي ميرامية... علشان يمارس الطب على البشر.

* أكلاته المفضلة: قلاية بندورة -وطبعا لازم يدعي أنه ما في أحد بيعرف يعملها مثله، ودائما يفتخر فيها ويفتخر في قرنين الفلفل اللي بحطهم عليها- بالإضافة إلى الأكلات الأخرى مثل المجدرة وشوربة العدس..* لازم كل ما يروح إجازة على الأردن، يروح على مطعم هاشم وعلى حلويات حبيبة اللي في وسط البلد، اعتقادا منه أنهما تحديدا أحسن من يعمل هيك أكلات، وعلشان لمّا يرجع من الأردن يقول أنه أكل عندهما.

بس على فكرة الفلسطيني راح يظل فلسطيني وراسه مرفوع وكرامته بالسما وراح يظل محل احترام العالم الى قيام الساعة شاء من شاء وابى من ابى لان الفلسطيني هو فلسطيني.

مع كل حبي وتقديري واحترامي لكل شخص فلسطيني صغير ام كبير اسير ام مناظل في الداخل او في الخارج فلهم جميعا مني كل المودة والتقدير .......

بعد شو يا ست لفلي بعد ما شرشحي ابوهم

عكل حال موضوعك نهفة ومن الاخر وفي منو كتير صح

يسلمو اديكي

تحياتي

شايفه والله
خلينا نفرفش شوي

هو في حدا قليل بهالدنيا ان كان فلسطيني ولا مصري ولاردني ولا ....كل عنده فضايحه
ميرسي ياحلى بنوته بالدنيا كلها ياقمر

* يطفئ سيجارته بفنجان القهوة مع أنه في منفضة على الطاولة.

* يفهم بالسياسة، ورأيه دائما هو المزبوط، وكل العالم خونة والقضية باعوها وقبضوا حقها

هههههههههههههههههه

موضوع نهفة وبجنن

مشكوووورة لفلي

* بيحط الريموت كونترول في كيس نايلون حتى ما يتغبّر ولا يضيع ولا يتوسخ.
هههههههههههههههههههههههههههههههههههههههههههههههههههه
مزبوط وانا اشهد
هاي تعو شوفو الرمونت عنا
مربط تقول الكنغرس الامريكي

مشكوره كتير على الموضوع الرائع

هههههههههههههههههههههه
صح والله اكتر شي تبعت الي بقعدو نص ساعه وهم بيحكو باي

عنجد موضوعك حلو موتشا موتشا
ويسلمو على الحكي الحلو اخر شي

يسلمو عالموضوع
بس في ميزة بالشعب الفلسطيني ما راح تلاقيها بكل شعوب العالم
انه برفض الذل والاهانة