بدي ابعت معك هالشغله...

السلام عليكم [ندعوك للتسجيل في المنتدى أو التعريف بنفسك لمعاينة هذه الصورة]

أكيد كل مغترب مر بهيك موقف عند السفر

سواء حد طلب يبعت معك اشي

او انت طلبت تبعت مع حدا اشي

يعني واحد بقلك بدي ابعت معك شغله ضغيره وبتكتشف لما بدك تسافر انة بجيبلك شوال

احكيلنا قصصكم ونهفاتكم وهل بتحبو تحملو اشياء لناس او انكم تبعتوا اغراض لحدا

ههههههههههههههههه
موضوعك كتير حلو
صح والله مره ناس من قرايبنا مابعرفهم ولا بعرف انهم اصلا اقريبنا ولا عمري شفتهم
عرفو انو امي مسافره عند اختي على المانيا مشاالله عملو حالهم انه بحبوها واجو ويدعوها بس شو انسو بجوز كل واحد معه 5 شغلات ال ما بامن الا معك ياختي ياام خالد والله انتي صاحبة امانه
والمسكينه امي وافقت مع انه ممكن طياره ماتخليها تحمل كتير رح تتضر انها ما توخد معها اشي منها لاختي
وبعد مارجعت امي لهلا ماشفانهم الها امي راجعه من السفر بيجوز شهر
شايفين بالله

يا حرام انا لو ماكانكم مابرد
مره وحده بعتت معي لدار اخوها علبه شوكلاته ال يعني قلة شوكلاته بالبلد مافي
وسيديز اغاني للباك ستريت بويز ال يعني ما في بالاردن
بس انا برضى حسب الناس ومش كميات احملهم
بحمل

يسلمو على موضوعك النار الي جاي على الوجع

ههههههههههههههههههههههههههههههههه

والله قصص من الاخر
وشو صار بعد هاد الحكي هلا اكيد حرمتوا مو

ولو انا بعجبك ياست حياة الروح مش لفلي انا

احنا والله مرات بتصير معنا بشغلة مو الضفه
لما مره رحنا على سوريا الكل اجا عنا وسال فينا
مش عشان نبعت معنا اشي لا هاي المره انه نجيب معنا اشي من هناك
وبعدين مشالله بتشوف وجوه اول مره بتشوفها زي ماحكت الاخت القلم الحومره فوق
واحنا كل سفره بنتطلعها بنحاول نطلع على ساكت بس على الفاضي الكل جيب معك بنعطيكم او في جزء مابيحكي جيب بعطيك لا هاي بتركها علينا جبنا وازا ماجبنا الله لايورجيكم بنصير اسمنا البخله اما همه يطلعوا ويرحو وممنوع حدا يقلهم وين وجيب وتعال وحط
اخ اما ناس مابتستحي

المهم بلا وجع راس
انتو احكولي هيك شغلات صارت معكم فيها هيك مواقف طريفه بتخص السفر

لا مواقف طريفة ولا شي
يا بنتي قولي مواقف بتوجع الراس وبتنرفز
صح هو ما بتحسي فيها ازا سافرتي مع الاهل
بس لما تشافري لحالك بتصير مشكلة

انا مرة سافرت على العقبة لحالي
وبس ماخدة معي مصاري لاشتري كاميرا وشوية مشان ازا اشي اعجبني هناك
وانا قبل ما اطلع نبهت مليوووووووووووووووووووووون مرة اني ما بدي اجيب اشي
وبابا ايدني على موقفي
مع هيك حكيت للكل اني ما بدي حدا يطلب مني
مع هيك وانا هناك اتصلت في ماما بتحكيلي
ماما حبيبتي معاكي مصاري
انا قلت قلقانة علي ازا احتجت اشي هناك
فقلتلها اه ياماما معي والحمدلله اللي بيكفيني وزيادة
وياريتني ما قلتلها
وهون بدأت الطلبات
جيبيلي معك مخلوطة وفستق وابصر شو
وحرام واشي شكله زي الحرام الصغير وبدها منه عشرة
وعمتك بدها هيك وهيك وهيك
وعمك
وخالتك
يعني اشي بيقهر
قلتها انا ما معي مصاري
قالتلي لأ معك
يعني باختصار علقت
لا وياريت هيك وبس
اتصلت فيي تاني مرة لانو تيتا بدها كمان مخلوطة وفستق
ومرت عمو اتصلت في كمان بدها عشر حرامات صغيرة

بصراحة ما بعرف كيف مرقت كل هدول من الجمرك
بس بحياتي ما بعيدها وبجيب اشي معي او حتى اخد

صح الموضوع انو احكي عن اللي بيبعتوا معك للسفر
بس هدا الموقف اللي خطر ببالي

اخ بس منهم ياادمن شو بدنا نعمل
لعلمك قرات الموضوع لماما وعجبها كتيييييييير
وفهمك الباقي

خخخخخخخخخ

يسلمو على المرور