جميع حلقات مسلسل مهند الجديد الحب الممنوع Aşkı Memnu

[ندعوك للتسجيل في المنتدى أو التعريف بنفسك لمعاينة هذه الصورة]


مرحبا احلى اعضاء
بنخصص صفحات هالموضوع لعرض حلقات مسلسل
الحب الممنوع


Aşkı Memnu


المسلسل بطولة
Kıvanç tatlıtuğ


[ندعوك للتسجيل في المنتدى أو التعريف بنفسك لمعاينة هذا الرابط]



و


خطيبة يحيى
Beren saat


[ندعوك للتسجيل في المنتدى أو التعريف بنفسك لمعاينة هذا الرابط]

المسلسل تم عرض 19 حلقة منو لهلء
ورايحين نستمر بعرض باقي الحلقات باذن الله
وشكلو بجد حلو كتير


========


قصة المسلسل
ت اللى فى الفيديو ليست خطيبة يحيى بل هى ابنة عمة فى المسلسل وهذة هى صور خطيبة يحيى.اما قصة المسلسل باختصار هى ان عم بيهلول واسمة عدنان رجل ثرى جدا سيتزوج بيهتر الفتاة الجميلة وصغيرة السن ولكنها لاتحبة تزوجتة لسببين الاول ان تنتقم من امها التى تسببت فى موت والدها عندما خانتة وترغب بالزواج من عدنان والسبب الاخر لانها تريد ان تكون ثرية ولكن بعد زواجها من عدنان سوف تقع فى حب بيهلول ابن شقيق زوجها وبيهلول اساسا زير نساء وسوف تكون بينهم علاقة سرية وبعدذلك بيهلول سيمل من بيهتر لانة اساسا لا يحبها بل يتسلى فقط وسيتزوج نهال ابنة عمة وسيقع فى حبها وتتوالى الاحداث. قصة هذا المسلسل هى قصة روايةمشهورة .المسلسل يعرض كل يوم خميس ويمكن مشاهدتة على اليوتيوب عرض حتى الان 6 حلقات وال7 يوم الخميس


[ندعوك للتسجيل في المنتدى أو التعريف بنفسك لمعاينة هذه الصورة]




لرؤية الروابط
ضع رد

ملخص الحلقة الاولى

ملخص احداث الحلقة الاولى من مسلسل الحب الممنوع .... نهال ذهبت الى والدها عدنان الذى يهوى النحت على الخشب ويقوم بنحت صورة لنهال ثم ذهبوا لتناول الفطور .. بيهلول عاد من باريس لكى يحضر حفل زواج بيكر وعمة قال لة لماذا لم يتصل ليقول انة قادم بيهلول قال لة ان فكرة عودتة كانت مفاجئة بيهلول قدم الهدايا للجميع وكانت هديتة الى نهال عبارة عن عروسة لعبة نهال غضبت منة ولكنة قدم لها هدية اخرى زجاجة عطر . . بيكر تستعد للزواج من نهاد والخادمة كاتيا احضرت لها الزهور التى وصلتها بيكر قرات الكارت وعرفت انة من بيهلول وتذكرت عندما كانت تتحدث مع بيهلول وسالها اذا كان نهاد يعرف بعلاقاتهما واذا كانت فعلا تحب نهاد كما تحبة هو بيكر قالت لة انها تحب نهاد لانة شخص رائع وتركتة وانصرفت بيهلول قال الزمن هو الذى سوف يثبت ذلك . والد نهاد طلب من ابنة ان يجعل بيكر توقع على عقد بانها لن تاخذ اى مال فى حالة طلاقهما وعندما علمت امها بذلك غضبت وقالت ان الزواج لن يتم اذا حدث ذلك ثم بعد ذلك تحدثت مع نهاد واتفقت معة على ان يتم توقيع العقد بشرط ان يوقع هو على عقد اخر قيمتة مليون دولار حتى توافق على الزواج ونهاد وافق على ذلك على شرط ان يكون ذلك سرا بينهم . بيهلول طلب من نهال مال عندما كانت تعزف على البيانو وكانت هذة مجرد حجة لكى يقوم بمعاكستها . عدنان طلب من بيهلول التحدث معة ودخلوا الى المكتب وعدنان سالة ماذا ينوى ان يفعل بشان مستقبلة لان بيهلول لا يعمل ولا يفعل شىء سوى الخروج مع البنات وطلب منة عدنان ان يهتم بدراستة . اليف صديقة بيهلول اتصلت بة وقالت لة انها فى انتظارة .عدنان قابل بيهتر فى المقابر بالصدفة وهى قالت لة انها تاتى هنا باستمرار لزيارة قبر والدها وعدنان قال لها انة هو ايضا ياتى لزيارة قبر زوجتة وقام بتوصيلها الى بيتها وهى قامت بدعوتة على زفاف اختها .. اثناء الاستعداد للزفاف بيكر شعرت بتوتر شديد وخوف وعنما سالتها بيهتر عن السبب قالت لها انها خائفة من بيهلول لانة عاد اليوم من باريس وتخاف ان يفعل شىء ليفسد حفل زفافها .. بيهلول قال لصديقتة اليف انة علية المغادرة من اجل حفل الزفاف واليف تضايقت لانة سوف يرحل . وفى حفل الزفاف عدنان بدء يتحدث مع بيهتر وبدء الاعجاب بينهم وامها لاحظت ذلك . وفى اليوم التالى عدنان ذهب الى المقابر لانة يعلم ان بيهتر سوف تذهب وقابلها وتحدث معها عن زوجتة المتوفية وانة لم يرتبط باى امراة اخرى وقال لها انة معجب بها وطبعا بيهتر عجبتها الفكرة .

ملخص احداث الحلقة الرابعة من مسلسل الحب الممنوع

.نهال اصيبت بصدمه واخذت تبكى عندما رات والدها يقبل بيهتر وصعدت الى غرفتها وهى تبكى عدنان اعتذر من بيهتر لانة يريد ان يذهب الى نهال وطلب من بشير ان يوصلها الى بيتها عدنان ذهب الى غرفة نهال ليتحدث معها ولكنها كانت غاضبة منة وتركتة ودخلت الى الحمام ثم خرجت وهى تحمل اللوحة الخشبية التى كان والدها ينحت صورتها عليها ووضهتها امامة وقالت له انة لم يقم باكمال نحت صورتها وهو الان يقوم بنحت صوره لبيهتر لان الان بيهتر اصبحت عنده اهم منها ومن بولنت عدنان قال لها ان هذا غير صحيح وانها هى وبولنت اهم شىء فى حياته ... نهال عندما استيقظت من النوم وجدت ان والدها اكمل نحت صورتها وشعرت بسعادة وذهبت الى غرفة بيهلول لكى تريه صورتها المنحوتة وطلبت منه ان يقوم من النوم لانهم سوف يقضون اليوم فى بيت عمتهم ... المربية دينيز قررت الرحيل والعوده الى فرنسا وذلك بسبب ان عدنان سوف يتزوج ولانها تحبة .. عدنان طلب منها ان تذهب معهم لقضاء اليوم عند اخته وهى حاولت الرفض ولكنهم اصروا .. عدنان اتصل بيبهتر وقال لها انها مدعوه هى وامها لقضاء اليوم عند اخته ... واثناء تناولهم الغداء فى منزل شقيقة عدنان بولنت قال لبيهلول ان فى الجريده مقال عنه بيهلول ذهب مع بولنت لكى يعرف ماذا كتب فيها فوجد احدى صديقاته فى حديث صحفى مع الجريدة قالت انها هى وبيهلول يحبون بعض وانهم سوف يتزوجون قريبا بيهلول غضب من ذلك لانه بالطبع لا ينوى الزواج من احد ... بعد ذلك المربيه دينيز قالت لعدنان انها تريد السفر الى فرنسا وعندما سمعتها نهال اصيبت بصدمة واغمى عليها ... بيهتر سالت بيهلول عن وضع نهال ثم بعد ذلك سالته لماذا يعيش مع عدنان بيهلول قال لها ولماذا انتى مهتمه ان تعرفى ذلك الان رغم انكى لم تكونى مهتمه عندما كنت على علاقه ببيكر بيهتر ارادت الانصراف ولكن بيهلول امسك يدها وقال لها انه يمزح ثم قال لها ان والديه ماتا فى حادث وهو صغير وان عدنان قام بتربيته وانهم اولاد عم . بيهتر قالت له انها اسفه بعد ذلك بيهلول سالها لماذا هى تريد الزواج من عدنان واذا كانت العلاقه بينهم قويه بيهتر قالت له انها سوف تتزوجه لانها تحبه بيهلول قام بتهنئتا وقال لها انه سعيد من اجلهم ( وبالطبع هو غير سعيد ) .... وفى يوم الزفاف وبعد ان تم الزواج وصل والد نهاد وهو غاضب وقال لعدنان انه حزين لانه تزوج من بيهتر وقال له ان والده بيهتر سرقت امواله ولكن بما انها لم تستطيع الحصول على المال الكافى من زواج ابنتها بيكر فهى الان تريد لابنتها الاخرى بيهتر ان تتزوج من رجل غنى لكى تحصل منه على المال وان بيهتر سوف تسرق امواله ....

ترجمة الحلقه الخامسه من مسلسل الحب الممنوع

بعد ان تم زواج بيهتر وعدنان والد نهاد اقتحم حفل الزواج وقال وهو غاضب ان فرديفس
تستغل كل شخص من اجل المال وخصوصا ابنه نهاد وقال الان جاء دور عدنان لانه تزوج بيهتر
وان فرديفس ستستخدم امواله لكى تسدد ديونها .. الجميع فى الحفل اصيبوا بصدمه بعد ان تحول
حفل العام وهو زواج بيهتر وعدنان الى اكبر فضيحه بسبب ما فعلته فرديفس .
فرديفس حاولت التماسك لكى تبدوا طبيعيه وخلعت قرطها ورمته فى الارض ( ولا اعرف لماذا )
جميله الخادمه راتها واخذت القرط واخفته .. بيكر اخذت تبكى بشده وقالت لامها كيف تفعلين
بى ذلك .. بعد ان اجتمع الجميع فى غرفة المعيشه فرديفس قالت لو عدنان اراد ان
يقاضى والد نهاد على ما فعله فهذا الامر سيكون معروفا لجميع الناس والشائعات
ستكثر وقالت ان هذه المشكله بين نهاد ووالده .. وان والد نهاد غاضب منها لانها ساندت
زواج بيكر ونهاد وقالت هى ايضا غاضبه منه ولكنها صمتت من اجل سعادة ابنتها ..
وقالت هى فعلا اخذت المال ولكنها فعلت ذلك لتسدد ديون والد بيكر وان المليون دولار
ليست كافيه والان لم يعد لديها سوى المنزل وان يعملوا معا ( وعدنان شكرها على ايه مش عارفه )
بيهلول كان يجلس فى الحديقه عندما جاء عدنان وبيهلول عنده شك فى بيهتر وعائلتها
وقال ل عدنان ان قلق وغير مطمئن لما قاله والد نهاد بان فرديفس باعت ابنتها من اجل
المال . عدنان انزعج وقال له الايتحدث فى هذا الامر مجددا لانه لا يريد ازعاج بيهتر
وتركه وانصرف ..فى اليوم التالى بيهلول ذهب الى والد نهاد لكى يعرف منه الحقيقه
والد نهاد قال له حقيقة ما فعلته فرديفس وكيف انها استغلت ابنه واخذت منه المليون
دولار وحذر بيهلول من بيهتر وعائلتها وقال له انهم يبحثون عن المال .. نهاد وصل الى البيت
ووالده رفض ان يسمح له بالدخول وقال له انك لم تعد ابنى واذا اردت العوده فعليك ان تعيد المليون دولار وطلب منه ان يترك السياره لانها خاصه بالشركه . بيهلول قال لنهاد ان يركب معه ليوصله
نهاد اخذ يبكى لانه حرم من كل شىء .. بعد ان وصل بيهلول ونهاد الى بيت فرديفس
نهاد شكر بيهلول وفى تلك الحظه فرديفس وصلت وعندما عرفت ان بيهلول ذهب الى والد نهاد
هددته وقالت له ان يتوقف عن التدخل فى امور لا تعنيه لان بيهتر الان زوجة عدنان واذا هو استمر فى افعاله فهذا سيغضب بيهتر وبالتالى عدنان سيغضب ومن يحاول ان يضايق بيهتر فسيرسل
بعيدا ومن اجل مصلحته ان يتوقف عن التدخل ...
جميله اتهمت بشير بانه هو الذى سرق قرط فرديفس لكى تنتقم منه لانه يتجاهلها
ولانها تعرف انه يحب نهال ولكن بيهتر عندما عرفت اخذت القرط ورمته من الشباك وقالت
ان صحيح القرط غالى الثمن وقيم ولكنه ليس اهم من وجود السلام داخل الاسره ..
واثناء تناولهم العشاء عدنان قال انه يريد ان يعطى نهاد وظيفه لانه يرى انه جيد . بيهلول
انزعج لانه خاف ان يحتل نهاد مكانه والايصبح له مكان فى الشركه وخاف ايضا ان تكون هذه
خطة بيهتر وامها لمحاوله الاستيلاء على الشركه ( وهذا ما جعله يتذكر تحذير والد نهاد له وتهديد
فرديفس ) بيهلول تركهم وذهب الى غرفته وعدنان ذهب اليه . بيهلول كان غاضبا وقال لعدنان
انه ذهب الى والد نهاد وعلم منه الحقيقه وان فرديفس فعلا قامت ببيع ابنتها من اجل المال
وانه يخسى ان بيهتر تزوجته من اجل المصلحه للحصول على امواله وقال له انه يجب ان يكون
حذرا من بيهتر لان زواجه منها جاء بسرعه .. وبيهتر كانت تقف خارج باب الغرفه وسمعت كلام
بيهلول ..

ترجمة الحلقة الثامنة

نهال غضبت من بهتر لانها قامت بتغير الغرفة دون ان تعلمها وقالت انا الان اصبحت فى ال18 من عمرى وكل شىء تغير الان نهال شعرت بحزن شديد لان هذة الغرفة كانت من ترتيب امها وبعد ذلك بيهتر بطريقة غير مباشرة جعلت نهال تفهم انها تعرف بامر الصور التى فى المجلة وان عدنان لن يعرف بها نهال اعترفت اوالدها بانها كذبت علية وروت لة القصة عدنان غضب منها وطلب منها ان تذهب الى غرفتها بيهلول ساءل نهال لماذا فعلت ذلك قالت لة لان بيهتر تعلم وانها لن تسمح لها ان تمسك عليها شىء والدة بيهتر اصبح عليها ان تسدد الديون التى عليها ووالد نهاد قال لها انك سرقتى منى ابنى والان سوف انتقم منك وستكونين مديونة لى وسيعلم الجميع بهذا الامر فقالت لة ان هذا لن يحدث نهاد اعترف ل عدنان ان والدة بيهتر اخذت منة مليون دولار لكى توافق على زواجة من ابنتها وعن سوء وضعهم المادى فقام عدنان بسؤالة ان كانت بيهتر على علم بهذا الامر من البداية (ويقصد قصة المليون دولار) فقال لة نعم عندها عدنان تذكر تحذير بيهلول لة.والدة بيهتر قررت الذهاب الى عدنان لكى تطلب منة المال لسداد ديونها وعندما علمت بيهتر بهذا اتصلت بها وطلبت منها الا تذهب الى عدنان لطلب المال لانة الان سيصدق بانها تزوجتة طمعا بة وفى نهاية الحلقة بيهتر جاءتها مكالمة من شقيقتها بان امهم وقع لها حادث....هذا كل ما اعرف

ترجمة الحلقة التاسعة

المشهد الى بهلول قاعد فيه مع بهتر:
بهتر كانت بتقول لبهلول ان هيا معندهاش اى ذكريات حلوة مع امها وان اخر شىء قالته لامها قبل الحادث انها بتكرهها
بهلول قال لها -- بلاش تفكرى تفكير سلبى وان دى مش غلطتك وان شاءالله هتخف فى اسرع وقت
الخناقة بين بهلول ونيهال:
نيهال بدأت تتخانق مع بهلول وقالت له ان بهتر عايزة تاخده منها زى ما عملت مع الأخرين(تقصدان بهتر اخذت ابوها عدنان منها و كمان اخوها) وقالت ان بهتر لم تبكى الا لما بهلول قعد بجوارها وانها بتستغل حكاية حادثة امها و بهلول صدقها--- فغضب بهلول جدا وزعق فيها وقالها ان هى مدللة وان العالم مش بيدور حواليها (0المقصود انها مش هتقدر تخلى كل حاجة زى ماهى عايزة) وقال لها انها طفلة وانها تخطت كل الحدود فزاد غضبها زيادة
مشهد بهلول مع المربية الفرنسية دنييز:
دنييز قالت لبهلول :ان نيهال يمكن تكون بتحبه وانو لازم يعاملها كويس كفتاة كبيرة وليس كطفلة--- بهلول انصدم بكلام دنييز ووعدها انو من هنا ورايح هيعامل نيهال على انها واحدة كبيرة
مشهد العشاء:
بهتر قالت لنهال:انتى عايزانى ابين حزنى على امى ---- انا لست مثلك --انا معنديش اى زكريات حلوة معاها-- مش كل شىء زى قوس قزح (المقصود ان بينها و بين امها مفيش اى حاجة تفرح)--و بعد كده بهلول رفع كاسه وقال فى صحة قوس قزح وهو بيبص لبهتر
بهلول و نهال فى غرفة نيهال:
بهلول طلب من نيهال انها تسامحه وبدأ يقولها هو شايفها ازاى-- قالها انه لسه شايفها فتاة صغيرة وانه مش عايز يصدق ان هيا كبرت --- وقالها انتى غلبانة وحلوة و بريئة--- وعلشان كده مش عايز اشوفك كبيرة ---- خليكى زى مانتى
ياطفلتى الحلوة
بهتر مع امها فيردفيس فى المستشفى:
بهتر بتقول لامها وهى فاكرة انها مش سمعاها:انها مش هتغير رأيها فيها -- حتى بعد كل الى حصل ومع انها لم تذهب مع الراجل الى حبيتيو علشان خاطرهم ( 0هيا واختها) لكن هى لسه بتكرهها وفجأة فردفيس فتحت عينيها وقالت لها سيبونى اموت ---- فبدات بهتر فى البكاء وقالت لها :انتى مش هتموتى انت هتبقى يا فردفيس هانم

ترجمة الحلقة العاشرة

مشهد اليف و بهلول فى الجيم:
يوم السبت كان عيد ميلاد اليف و بهلول كان ناسى --- اليف فكرتو وقالتلو انو هيكون فيه حفلة بهذه المناسبة
مشهد عدنان و والد نيهات ( زوج بيكر -- اخت بيهتر):
عدنان قال لوالد نيهات انو عايز يشترى منزل فيردفيس (ام بهتر) فرد عليه والد نيهات و قالو انو مش هيبيع هذا
المنزل ---- ولكن ان ابنه نيهات رجعلو --- هيرجع البيت لفيردفيس
مشهد عدنان و هو بيتكلم مع بهتر و بهلول دخل فجاة عليهم:
عدنان كان بيتكلم مع بهتر على ديون ام بهتر ( 0فيردفيس)- و قال لبهتر انو هيدفع لامها كل ديونها --- فسمعهم بهلول و هو داخل --- وانصدم

رحلة عدنان و عيلته و المربية :
ذهبت العائلة لانقرة بسبب الماتش النهائى لبولنت فى الباسكت بول
مشهد بهتر و بهلول فى غرفة نوم بهلول:
بهتر بتقول لبهلول : انت لازم تاكل حاجة --- فرد عليها بهلول و قال لها : انا مش قادر افتح عينيا --- ازاى هأكل-- بهتر قالتلو انا هأجيبلك حاجة تخليك تشعر انك احسن ---- فقالها : انا عايز انام

بهتر جابت لبهلول الى حضرتو--- وقالتلو انو لازم يشربو وسوف يشعر بتحسن---- فوافق بهلول --- و فى الاول شمو
وبهتر قالتلو ده مش سم يلا اشربو

مشهد بهتر و هى نايمة على الكنبة:

بهتر كانت نايمة على الكنبة --- بهلول قرب منها وابتدى يحس ببعض المشاعر ناحيتها--- ناداها و قالها --- اذهبى الى سريرك --- فقالتلو : انت حاسس انك احسن -- فقالها : ايوه انا احسن --- بس انا جوعان--- فردت بهتر و قالتلو --- هأروح اعملك حاجة تاكلها--- فقال لها --- لأ انا هأعمل لنفسى ---- قالتلو انت عيان -- انا هعملك حاجة تاكلها---
وبعدين بهلول حس انو هو مش قادر يسيطر على نفسه ( من الحركات الى هىا بتعملها ) فقال لها روحى انت نامى --- فقالتلو طيب زى ما تحب(الكلام ده كان فى المطبخ)
مشهد بهلول مع فيردفيس -- ومعاهم بهتر:

بهلول بيقول لفيردفيس انو مش هيقدر يبوسها علشان هو مريض--- فبهتر قالت لها انو كان مريض الليلة السابقة اوى

وبهلول قال ان بهتر عملتلو حاجات خليتو اتحسن و اصبح اليوم احسن --- فردت فيردفيس و قالت : كويس ان بهتر لم تذهب الى انقرة
واخيرا----- فيردفيس بدأت تحس ان فيه شىء جديد بين بهتر و بهلول

ملخص الحلقة 11



مشهد فيردفيس و بهتر :

فيردفيس قالت لبهتر بلاش تتقربى لبهلول ----- انتى شابة و عدنان راجل كبير --- والتقارب بينك و بين بهلول هيخلى عدنان حزين و مش مرتاح
الحوار فى غرفة بهلول و بهتر (فى البلكونة):
انت لسه مريض-- لبه قاعد فى البلكونة فقال لها انه كويس---- وبعد كده ---قربت منه و حاولت تشوف حرارته بايدها
لكنه ابتعد عنها وقال لها مفيش داعى و انه كويس
مشهد الافطار و الحوار بين بهلول و بهتر:
بهتر قالت لبهلول انه لازم يلبس جاكت فرد بهلول بسخافة و قالها انه مش طفل ---- وان دور الام و الطفل انتهى ---
بهتر حزنت -- ونيهال كانت مبسوطة انه رد عليها بسخافة
مشهد بهلول مع زميلته بالجامعة:
الزميلة كانت بتتكلم عن عائلة بهتر وقالت ان الاب مات علشان اكتشف ان فيردفيس كانت بتخونه مع عشيقها وقالت ان بهتر شافت كل الى حصل --- فرد بهلول و قال لها ان ده مش صحيح وان هو و بيكر( اخت بهتر) كانوا على علاقة---- فكان مفروض يعرف بالى حصل----فقالتلو --- انهم فى الوقت ده كانوا انفصلوا
مشهد بهلول ونيهال وهما بيضحكوا مع بعض و بهتر مرت عليهم :
مرت بهتر عليهم و قالت لهم ان صوتهم عالى ---- فنهال ردت عليها بطريقة مستفزة --ايه الى حصل يعنى ---- ده هيخلى مامتك ( فيردفيس) مش مرتاحة --- وده خلى بهتر متغاظة----- (باين ان بهتر بدأت تغير على بهلول من نيهال)
مشهد بهلول و هو بيكلم بهتر فى التليفون :
بهلول سأل بهتر -- اذاكان ممكن ياخد منها الوصفة الى خليتو يخف علشان هيعطيها لواحد صاحبه مريض (ودى غالبا كانت حجة علشان يكلمها ) ثم اعتذر منها على سوء سلوكه عند الافطار
الحوار بين بهلول و نيهال فى الغرفة :
بهتر قال لنيهال انه امبارح كان عنده حمى --- و ان بهتر اعطت له خلطة خليته كويس --- فردت نيهال و قالت له : ان بهتر بتعمل كده علشان تتقرب له --- وعلشان تمثل ان قلبها طيب---------- و لما مشى بولنت -- نيهال سألت بهلول -- هو بيقرأ ايه -- وخدت الكتاب من ايده --- بهلول قال لها : خديه لو كنتى عايزه ----- قالت له : انها متحبش هذا النوع من الكتب----- وبعد كده بهلول قال لها انه عايز يذهب الى اليف علشان عيد ميلادها كان امبارح و هو لم يذهب وهى زعلانة - نهال قالت له: انه مريض ومفيش داعى انه يروح ---- فقال لها : انه فعلا مزاجه سىءو مش عايز يروح --- بس للاسف لازم يروح وطلب منها مغادرة الغرفة لتبديل ملابسه-- (لاحظوا الطريقة الى بصيتلوا بيها نيهال -- بدا تحس انه عاجبها)
مشهد غرفة نيهال ومعاها بهلول والمربية دنيز:
بهلول و دنييز قالو لنيهال انها لازم تعتذر لبهتر علشان الطريقة و الكلام الى قالته ليها --- نيهال ردت وقالت ان هيا معملتش حاجة تستاهل الاسف---- رد بهلول و قال لها انها لازم تعتذر --- فردت و قالت طيب --- هعتذر بعد غسبل ايديا و تبديل ملابسى(غالبا بتزحلقهم )
نهال سألت بهلول :اليف سامحته ---- فقال لها -- ايوه ---- نيهال قالت له : انها لو مكان اليف كانت تركته وراء الباب و مخليتهوش يدخل--- وبعدين ابتدوا يمزحوا مع بعض--------
المشهد الاخير : بهتر مع امها و اختها :
بهتر قالت لامها انها حامل ---- فردفيس (الام ) فرحت اوى ردت بهتر و قالت لها : ايه الى حصل -- انت طول الوقت تقولىلى ان انا صغيرة -- ولسه بدرى على الاولاد --- ردت الام و قالت لها : انده ابن عدنان وده هو الى هيضمن لها حياتها المستقبلية معاه وانها كده هتاخد كل ما يملك ---- عدنان سمعها واتجنن--------
الى القاء فى الحلقة القادمة ان شاء الله ان عشنا-----------

ملخص الحلقة 12

بهتر و عدنان يتحدثوا عن الحمل فى غرفة النوم :
بهتر قالت لعدنان ان الوقت مبكر على ان يكون عندهم طفل 0 وانه من الافضل الانتظار وقت اطول --عدنان جاوبها و قال لها انها لازم تفكر تانى فى الموضوع -- وبعدين يتخذوا القرار الصحيح -- وده كان اتفاقهم
سبب المشاجرة بين عدنان و بهتر :بهتر تذهب الى الطبيب و تجرى عملية تسقيط دون ان تخبر احد ---- بهتر لما رجعت البيت فى المساء -- عدنان سألها ليه شكلها تعبان --- فقالتلو انها عملت عملية و سقطت البيبى --- عدنان اتنرفز و اصبح عنيف و اتجنن و سألها هى ازاى تعمل كده بدون اذنه--- ردت بهتر و قالت له : انهم اتناقشوا فى الموضوع ده امس و اتخذوا قرارهم بالفعل (زى ما شفتوا كانت فى منتهى البرو د)
عدنان بعد ما زعق معاها --- خرج بره ---- والكل عرف انه متضايق ---- و بعدين عرفوا ان بهتر كانت حامل و سقطت --- و الكل كان مندهش و مستغرب ماعدا واحد كان باين على شكله انه مبسوط بخبر التسقيط لان عدنان كان قاله فى العربية ان بهتر حامل -- و هو طبعا بهلول
المشهد فى غرفة الطعام :
جاء تليفون لعدنان -- ان عم بهلول مات --- و ده عمه الحقيقى -- اما عدنان يبقى ابن عم ابو بهلول --- بهلول اتضايق
ولما ذهب لغرفته -- قعد يبكى لوحده ( والله خلى قلبى يتقطع --- ممثل بارع )--- و بعدين قعد يتذكر انه لما كان طفل صغير و مات ابوه و امه --- كان مفروض الى يرعاه هذا العم الى مات --- و دار حوار بين عدنان و هذا العم والعم قال لعدنان انه مش هيقدر يهتم ببهلول -- فعدنان رد و قاله انه سوف يهتم به عدنان و بهلول سافروا لحضور جنازة عم بهلول :
كانوا فى السيارة و عدنان قال لبهلول ان بهتر حامل ---- بهلول انصدم
مشهد بهلول و نيهال فى غرفة بهلول :
بهلول كان حزين على عمه الى مات وبيقول لنيهال انه فقد ابوه و امه --- ودلوقت فقد عمه-- وبيقولها انه بيحب عمه بالرغم انه لم يساعده و يرعاه و هو طفل صغير
مشهد فردفيس ( ام بهتر ) وهى تبكى فى غرفتها :
فردفيس كانت تبكى و تصرخ علشان مفيش حد رضى يشترى العفش بتاع بيتها (بيكر اخت بهتر كلمتها وفى التليفون و قالت لها ان العفش لم يباع) وبدأت تقول يادى الكسوف يادى الخجل --- انا معنديش فلوس --- و اتمنى انى اموت
عدنان كان غاضب من فيردفيس علشان سمعها بتقول لبهتر --ان البيبى هو الى هيضمن حياة كويسة لبهتر ( طبعا قصدها انه عن طريق الطفل سوف نضع يدها على ثروة عدنان )
مشهد الخناقة بين جميلة و شغالة فيردفيس :
شغالة فيردفيس عاجبها بشير و ماشية وراه فى كل حتة --- ده جنن جميلة و خلاها تضربها -- فراحت اشتكت لفردفيس -- فردفيس سلطت بهتر و بعدين بهتر سمعت جميلة غالبا بتتكلم على الام و شغالتها فاتجننت و كانت هتضربها -- ثم طردتها هى و امها و ابوها لكن عدنان لما جه من العزا -- خلاهم يقعدوا وده غاظ بهتر و جننها ( يعنى كده مالهاش كلمة فى البيت )
بهلول و بهتر :
بهلول هنا بهتر بالحمل و قال ان عدنان قاله -----


بهلول يتكلم مع بيكر (اخت بهتر)قبل العشاء:
بهلول يمزح مع بيكر و بيقولها شكلك جميل دلوقتى--- زمان كنتى نحيفة --- انما دلوقتى --انت سمينة بس جميلة فردت بيكر و قالتلو يوقف مزح وهزار معاها -- فقال لها اوكى وهو بيضحك-- و قالها انه بيهزر
نيهاد لاحظ ذلك و الكلام ده معجبوش و هما مروحين فى العربية قال لها : مفيش داعى انك تكونى قريبة اوى كده من بهلول-- وانه مش مرتاح لكده
بهلول مع اليف فى معرض العربيات بيختار عربية جديدة و بيكلم عدنان فى التليفون:
بهلول عايز يشترى عربية جديدة و كان متحمس جدا و كلم عدنان علشان يستلف فلوس منه و لما بهلول يورث من عمه المتوفى --- هيبقى يرجع الفلوس لعدنان --- عدنان وافق اته يسلفه الفلوس

مرحبا للجميع .. ترجمة الحلقة ال13 من مسلسل الحب الممنوع

بيهتر رفضت ان تفتح باب الغرفة لعدنان فغادر الى المنحت الخاص بية وبيهلول خرج خلفة وذهب الى صديقتة اليف وفى الصباح عندما كان بيهلول نائما جاءتة رسالة على هاتفة . اليف اخذت الهاتف وقرات الرسالة بيهلول استيقظ وعندما علم انها قرات الرسالة تشاجر معها وقال لها كيف تسمح لنفسها ان تفعل ذلك اليف غضبت وسالتة من هى البنت الى ارسلت لة تلك الرسالة ولكنة لم يجبها اليف قالت لة بانة يخدعها ولا يحبها واخذت تبكى .... الخادمة كاتيا قالت لام بيهتر ان عدنان لم ينم فى غرفتة .. والدة بيهتر سالت ابنتها عن سبب المشكلة بينها وبين عدنان وقالت لها امها هل تعتقدين ان عدنان ممكن ان يسامحك بهذة السهولة بعد ان اجهضتى طفلة وهل تعتقدين بان لكى هذا التاثير الكبير على عدنان صحيح انة يحبك ولكنة ايضا رجل كبير وناضج ولدية خبرة كافية وليس من السهل خداعة ولمصلحتك عليكى ان تقومى بحل هذة المشكلة معة قبل فوات الاوان لانكى اذا انفصلتى عنة سوف تكونين انتى الخاسرة الوحيدة وانها هى فقط من سوف يتاءذى وقالت لها ايضا انهم لن يجدوا عدنان اخر وانهم بعد ذلك سوف يستمرون فى بيع ممتلاكتهم والناس سوف يسخرون منهم.... المربية دينيز طلبت الحديث مع بيهتر وقالت لها بالامس انتى كنتى منزعجة بسبب المشاكل التى وقعت بين الخدم وانتى تعتقدين اننى جزء من هذة المشاكل وقلتى لى انة يجب عليها ان تعرف حدودها .. دينيز قالت لها ايضا انها منذ ان جاءت الى هذا المنزل والجميع تقبلوها واعتبروها جزء من العائلة وانها تحبهم كثيرا لدرجة انها مستعدة ان تفعل كل شىء لكى تعيد السلام الى هذا البيت وانها بالرغم من زواج بيهتر من عدنان الا ان مكانتها فى البيت لم تتغير وقالت لها انها شاكرة لها انها استمعت اليها لانها بالامس رفضت ان تسمع منها شىء .... بيهتر ذهبت الى عدنان لمحاولة مصالحتة ولكنها لم تستطيع ان تؤثر علية وعدنان قال لها انة يريد ان يكون بمفردة ...بيهلول احضر سيارتة الجديدة الى البيت وقالت لة دينيز ان نهال تريدة ان يذهب الى المدرسة لياخذها بسيارتة الجديدة وبيهلول وافق .. وبيهتر فى محاولة منها لتلطيف المشاكل مع عدنان فالت ان نهال ايضا بحاجة الى شراء بعض الملابس الجديدة وقالت انها سوف تذهب مع بيهلول .. عدنان طلب من دينيز ان تساعدة فى بعض الاعمال الورقية الخاصة بالمكتب وهى وافقت وهذا ازعج بيهتر وامها عرفت ان بيهتر لم تحل المشكلة بينها وبين عدنان ..... بيهلول وبيهتر اخذوا نهال لشراء بعض الملابس وبيهلول اختار فستان ليبهتر وقال لها انة يناسبها وطلب منها ان تجربة ولكن بيكر اتصلت وقالت لها اين انتى بيهتر قالت لها انها مع نهال وبيهلول بيكر قالت لها وهل عدنان يعرف بيهتر قالت لها انة يعرف بيكر قالت لها ان عدنان مسافر فى رحلة لمدة ثلاث ايام بيهتر انصدمت لان عدنان لم يخبرها .... وعندما عادت الى المنزل قالت لعدنان لماذا لم يخبرها انة مسافر قال لها انة لم يجد الوقت ليفعل ذلك ( ولكنة كان يكذب ) بيهتر قالت لة ام انك نادم على زواجك منى عدنان قال لها او ربما انتى هى من ندم على زواجها منى وتريد الانفصال بيهتر قالت لة انها تحبة ولا تريد الانفصال عدنان قال لها انة يريد بعض الوقت بمفردة لكى يتقبل اخر شىء فعلتة وهو اجهاض البيبى.... بعد ذلك بيهتر خرجت من المنزل وهى تبكى وبيهلول اخذها فى سيارتة وقالت لة ان ياخذها الى قبر والدها .... عدنان اتصل بالبيت ووالدة بيهتر قالت لة ان بيهتر خرجت وهى تبكى فقال لها اين ذهبت قالت لة انها عندما تكون حزينة تذهب الى قبر والدها .. عدنان قام بالغاء السفر وطلب من السائق ان ياخذة الى المقابر... بيهتر قالت ليبهلول وهى تبكى انها تحب عدنان ولا تريد ان تخسرة بيهلول قال لها ان عمة ايضا يحبها كثيرا ومسح دموعها وحضنها وفى هذة اللحظة وصل عدنان ورائهم معا وبيهلول ايضا راءة ...[ندعوك للتسجيل في المنتدى أو التعريف بنفسك لمعاينة هذه الصورة]

ترجمة الحلقة 14

مشهد عدنان لما يشوف بهلول و بهتر عند قبر ابو بهتر :
عدنان بيقول : انا لما شفت عربية بهلول فى الخارج عرفت يا بهتر انك مش لوحدك وده خلانى اطمأن عليكى . ولما عدنان و بهتر ذهبوا للعربية ------ بهلول قال : الحبايب لما يوصلوا لبعض بهلول يمشى -- فرد عليه عدنان و قاله : شكرا لانك لم تترك بهتر لوحدها فرد بهلول وقال لعدنان : بهتر كانت محبطة جدا وانا خليتها تركب معايا بالعافية -- فردت بهتر و قالتلو شكرا لتصرفك كصديق جيد
مشهد فردفيس وهى بتكلم ابنتها بيكر:
بيكر بتقول لامها ان نيهات زوجها رجع المنزل وان عدنان ذهب للمقابر فردت فردفيس و قالت شكرا لله -- انا اشعر بالراحة الان --- فردت بيكر و سألتها : لماذا بهتر فى المقابر ليلا ---- فردت فردفيس وقالت : بهتر حكيمة اكتر مما كنت اظن --- هذه اليلة سوف تسترد زواجها مرة اخرى
مشهد بهلول فى البار والبنات يتحدثون عنه :
البنات فى البار اصحاب اليف كلموها و قالوا لها ان بهلول قاعد فى البار فقالتلهم هو لوحده --- قالوا لها ايوه وهو قاعد بيشرب و حزين اوى فردت اليف وقالت اوه ده حزين علشانى -- و مفتقدنى -- انا هكلمه حالا
نهال تتكلم مع بهلول :
نهال تعزم بهلول وتقول له اذا كان هناك مشاكل بينه و بين اليف لكنه لم يجاوبها كويس
بهلول يتحدث مع عدنان بالقرب من عربية بهلول:

بهلول قال لعدنان : انا عايز اقول حاجة بخصوص الليلة الماضية : انا عايز اعتذر عن حكمى السىء بخصوص بهترلما اتجوزتها ------انا قلتلك انها اتجوزتك علشان فلوسك -- لكن انا كنت غلطان -- هى حقيقى بتحبك فرد عليه عدنان وقاله : انه مبسوط انه يسمع الكلام ده و قاله : انا بشكرك مرة تانية علشان لم تتركها لوحدها فرد بهلول و قاله : انا كنت سواق فقط وكنت خائف من الذهاب بهذا الوقت للمقابر
نيهال سوف تعزف على البيانو فى حفلة و قد عزمت الكل ولكن ابوها عدنان قال لها انها تقول لجميلة و ابوها وامها انهم ميجوش ( و ده غالبا بناء على رغبة بهتر و امها )-- فذهبت نيهال وهى تبكى بصورة مؤثرة وقالت لهم
انهم لا يذهبوا للحفلة --- وفى مشهد مؤثر اخر ذهبت جميلة غرفة نومها و قعدت تقطع فى فستانها -----
فردفيس تتحدث مع بناتها بهتر و بيكر :
وتقول ان عدنان بعد الصلح اكيد هيجيب هدية لبهتر
اليف تتحدث مع بهلول فى الجامعة :
اليف تقول لبهلول : انا سمعت انك كنت فى البار و حزين --- انت مفتقدنى ؟- رد بهلول : دلوقت انتى بعتى حد ورايا يراقبنى --- انا لازم اروح المحاضرة --- اليف قالتلو هانتظرك--- فقال لها طوال اليوم عندى محاضرات -- قالتلو --- طيب و فى المساء -- رد و قالها مشغول --- قالتلو -- يوم السبت -- قالها هناك حفلة نيهال ثم رحل
مشهد بهلول يتكلم مع اليف فى الجيم:
بهلول يقول لاليف : انتى بتعملى ايه هنا --- قالتلو انت مش فاكر و لا ايه -- انا باتمرن هنا --- بهلول قالها : انتى اتغيرتى
انا حاسس انى معرفكيش ------ فردت و قالتلو -- وانت كمان اتغيرت --- اذهب و روح اعتنى بعيلتك -- وخاصة زوجة عمك ( المقصود بهتر)
مشهد العائلة تستعد للذهاب لحفل نيهال و الكل فى منتهى الاناقة :
بهلول بيقول : وااو ايه السيدات الجميلات دول ثم استدار ناحية نيهال و قالها : انت جميلة اوى يا نيهال -- ازاى انا مخدتش بالى قبل كده --- و بعدين قال لعدنان -- انكل -- احنا فى السماء


مشهد العشاء : الكل يتكلم عن نيهال و عدنان بيقول ابنتى بتكبر -- شكرا ليكى يا دنيز ( المربية)ولمجهودك معها
فرد بهلول وقال : لكن مظنش ان فيه اى حد هيجى ويطلبها للجواز -- وهتفضل قاعدة طول عمرها فى البيت
لكن كلهم قالولو -- بلاش تزعج نيهال
بعد انتهاء حفلة نيهال :
الكل يهنىء نيهال -- وبهلول بيقول لها : انا مش قادر اصدق انت كنتى رائعة
العائلة تذهب للعشاء احتفالا بنيهال :
فردفيس عند دخولها المطعم وجدت ابو نيهاد ( نيهاد زوج بيكر ) فقالتلو انت قاعد بتحتفلبخصوص بيتى -- فقالها لا -- والموضوع انتهى بينى و بينك --- ككن هى ردت و قالتلو -- لكن الموضوع لم ينتهى بينى و بينك -- وطبعا سكبت عليه كأس الشمبانيا زى ما شوفتوا و هو حاول يضربها لكن عدنان دافع عنها و كان هيمسك فيه و بهلول تدخل
ملحوظة :عدنان يهدى المربية دنيز حلق الماظ عرفانا بجميلها فى تربية نيهال ---- وبهتر وامها انصدموا لانهم كانوا فاكرين انه هدية لبهتر

ترجمة الحلقة ال15 من aski-memnu
مشهد بهلول ونيهال و بولنت والمربية دنيز فى السيارة :
نهال بتقول لبهلول : فردفيز مرة اخرى تدمر كل شىء وتضع ابى فى موقف محرج و تخجله--- وليه يابهلول اخذتنا للمكان -ده-- ولماذا لم تحاول منعها من ان تفعل ذلك
بهلول قال لنهال : -- انا عارف ان الليلة دى ليلتك -------هدى حالك--- بولنت تدخل فى الحديث وقال: هى بيكر هتموت -- زى ما ماتت ماما وهى بتولد--- فردت دنيز وقالتلو امك لم تمت بسببك ( وهى بتولده )-- بل كانت مريضة --- بهلول يقول لنيهال مرة اخرى -:اهدى -- البيبى ميعرفش ان الليلة دى الحفلة بتاعتك ---- وعايز يأتى للعالم بسرعة جدا
مشهد نيهال مع بيهلول بجوار غرفة نيهال:
بيهلول يقول لنيهال : الليلة كانت ليلتك -- وانت كنتى رائعة --- وانا فجأة عرفت ان البنت الى كانت طفلة--- وبتغضب زى الاطفال --- اصبحت شابة صغيرة جميلة--- حقيقى انت رائعة ---- نيهال ردت عليه وقالت : شكرا --- انا عايزة اغير فستانى
مشهد محادثة بهلول و اليف :
اليف تكلم بهلول فى التليفون و تعتذر ان هيا ايقظته من النوم --- وتقولو :انا عايزة اعرف ايه الى حصل بيننا -- وليه عملنا كده --- رد عليها بهلول -- وقالها : انتى عايزة ايه --- وليه بتتكلمى مبكرا فى الصباح --- لم يعدهناك بينى و بينك اى شىء---- فردت اليف و قالتلو 0:------- طيب تعالى خد حاجتك -- فقالها : انا لن احضر لاخذ الاشياء --- تقدرى ترمى كل حاجاتى بره -- انا مش عايزهم
مشهد الافطار : عدنان يتكلم مع نيهال و بيهلول و فردفيس :
عدنان يتكلم عن نيهال فى الليلة الماضية و يقولها : انا فخور بيكى --- انتى كنت رائعة -- وبهلول قال لها نفس الكلام --- لكن فردفيس كانت حزينة علشان الى حصل الليلة الماضية فى المطعم
مشهد نيهات مع زوجته بيكر فى المستشفى لما شاف الورد الى بعثه بيهلول :
نيهات لما شاف الورد تذكر الورد الى لقاه مع بيكر ليلة عرسهم وسألها من مين --- لكنها كذبت عليه --- لكنه اكتشف الان مين الى ارسله لما شاف الورد فى المستشفى --- وقال لبيكر : شىء لطيف ان بهلول يبعث ورد فى كل مناسبة ( لاحظوا ان بهلول لما بيكر تعبت فى اول الحلقة --كان مهتم وقلقان عليها --- على اساس ان كان فى بينهم علاقة يوما ما -- والظاهر ان لسه فيه قليل من المشاعر ناحيتها )

مشهد الحديث بين بيهلول و بولنت و نيهال و بهتر عن شجار بيهلول واليف على التليفون :
بولنت بيقول لبهلول : ايه رأيك نلعب ماتش بسكت بول--- رد بهلول : وقاله انا مش عايز ---
بهتر قالت لبولنت : من الاحسن انك تترك بيهلول فى حاله اليوم --- بهلول ظن ان بولنت قال لبيهتر عن المشاجرة بينه وبين اليف --- لكنها قالتلو : انت كنت بتزعق و صوتك عالى --- علشان كده انا فهمت ايه الى بيحصل --- تدخلت نيهال و قالت لبهلول :لو مكنتش عايز حد يعرف اى شىء عن حياتك --- تقدر تبعت جواب او ترسل ايميل وبالطريقة دى محدش يعرف اى شىء عن احاديثك
ردت بيهتر و قالت : يمكن اليف عندها مشكلة فى اذنيها --- ولازم تشوف طبيب

مشهد حديث بهتر و فردفيس فى السيارة :
فردفيس سالت بيهتر ايه الى حصل بينك و بين عدنان -- انا شايفة انكم مش كويسين --- ردت بيهتر -- : وقالت لها --- انت هتبتدى مرة تانية --- انا هبتدى ابحث لك عن مكان تقيمى فيه -- علشان انا قلتلك ---- انك تقعدى فى البيت معايا لغاية ما تشفى --- و دلوقت انت اصبحت كويسة
يبقى لازم تمشى --- فردفيس تفاجأت بهذا الكلام -- لكنها قالت لها -- طبعا اكيد همشى
مشهد محادثة نيهال و بشير :
نيهال تقول لبشير : انت ليه زعلان منى --- بشير يرد عليها و يقولها : يعنى انت مش عارفة ليه ---علشان جميلة و اسرتها -- انتى دعتيهم فى الاول و بعدين قلتى لهم ان لا يحضروا -- مع ان كان فيه اماكن وكان ممكن يحضروا --- وجميلة اشترت فستان جديد و حذاء جديد -- ولما انتى عملتى كده --- قطعت الفستان بالمقص--- وانا اتضايقت منك لانى لم اتوقع انك تعملى كده

مشهد العشاء و فردفيز تخاطب نيهال :

فردفيزقالت لنيهال انتى زعلانة منى علشان الى حصل بعد حفلتك --- فردت نيهال و قالت لها لأ
فردفيس قالت لنيهال :انت كنت رائعة ولازم تكملى دراستك و تسافرى بلد تانية فردت نيهال وقالت لها : انا هكمل دراستى هنا و مش هسافر لاى مكان و بعدين التفتت لابيها عدنان -- فقال لها طبعا حبيبتى -- اعملى الى انت عايزاه
مشهد بهتر و بيهلول يتحدثون على العشاءو عدنان يستمع لحوارهم و يبدو عليه انه مش مبسوط بالحديث :
بهلول بيقول انا عايز اذهب لبرشلونة -- فنيهال سألته وهتعمل ا يه ---بخصوص السنة الجديدة فرد بيهلول و قال : انا هارجع قبل السنة الجديدة بيوم واحد --- بهتر قالت :لو كنت مكانك يا بهلول كنت قعدت هناك و استمتعت باسبانيا --- وده خلى بيهلول و عدنان استغربوا
مشهد بهلول و بهتر فى غرفة المعيشة لما جميلة سكبت الكأس على تليفون بهتر :
بهلول يسأل بهتر لو كان تليفونها جرى له حاجة -- فردت بهتر و قالتلو -- انا بجربه--- فسالها بهلول : اين الجميع -- بهتر قالت : عدنان بيلعب مع بولنت و نيهال --- فقالها : طيب انا رايحلهم و سالها بيكر عاملة ايه النهارده -- انا مسمعتش اخبارها النهارده --- ردت بيهتر و قالتلو : لكن ورودك كانت هناك -- بهلول ضحك و قال لها انا بعت الورد للاتنين ( تقريبا المقصود بيكر و زوجها ) ---
بيهتر ضحكت و قالتلو --- ايوه واضح

مشهد بيهلول و نيهال فى النهاية :

بهلول رجع مبكرا وسأل نيهال انتو كنتوا فين --- فقالتلو : ذهبنا للتسوق و اشترينا هدايا --- فسألها بيهلول : طيب -- اشتريتى لى هدية--- فردت وقالتلو : انت اشتريت لى هدية--- وبعدين قالوا لبعض احنا هنشوف بعض فى البيت

ترجمة الحلقة 16

مشهد عدنان وبهتر و بهلول فى اول الحلقة بخصوص البطاقة الى كتبها بهلول:
عدنان قال لبهلول : انت ليه كتبت الكلام ده لبهتر --- انت بتلعب لعبة معايا--- بهلول اندهش وقال لعدنان : انا كتبت الكلام ده لبيكر (اخت بهتر )مش لبهتر------ بهتر ردت وقالت :الليلة الماضية انا كنت فى بيت بيكر-- ولقيت البطاقة --- فأخّّّذتها و وضعتها فى جيبى (علشان نيهات زوج بهتر ميشوفهاش ويحصل مشاكل )ونسيت امزقها--بهلول حزن و غضب وقال لعدنان : انت ازاى تقولى كده-------و مشى و تركهم معا
مشهد عدنان و بهتر فى غرفتهم بعد ما تركهم بهلول:
عدنان يعتذر لبهتر --- وهى ترد و تقوله :ان من الاحسن ان يعتذر لبهلول الى غلط فى حقه--- وتقول : انت ازاى قدرت تقول حاجة زى كده فرد وقالها : علشان البطاقة كانت فى غرفة نومنا علشان كده افتكرت انها تخصك
مشهد نيهال وهى بتكلم بيهلول فى غرفة نومه:
بهلول كان حزين وغضبان -- ونيهال قالتلو : انت مالك ايه الى حصلك ---فرد عليها وقالها : مفيش حاجة فقالتلو :فين هديتى ----- فرد وقالها غدا مساء هيوزع الهدايا
مشهد حديث عدنان و بهلول :
عدنان قال لبهلول :انا اسف جدا-فرد بهلول و قالو : انت ازاى تتصور ان انا ممكن اعمل حاجة زى كده
رد عدنان وقال لبهلول : زوجتى شابة وانا دايما قلقان عليها -- فرد بهلول وقالو : طيب ليه انا ---
من الاحسن ان ارحل من المنزل-رد عدنان وقاله --- انت لو عملت كده هتخلينى اتضايق اكتر
واخجل من نفسى---من فضلك لا ترحل من المنزل --- ومن فضلك سامحنى
مشهد نيهال و هى تتكلم مع مربيتها الفرنسية دنييز:
نيهال بتقول لدنيز فيه حاجة غلط بتحصل (كانت ماشية هى واخوها بولنت بجوار غرفة ابيها وسمعت عدنان وبهتر )-فردت المربية دنيز وهى تعاتب نيهال و قالت :مرة تانية انتى ذهبتى تسمعى الحديث بين ابيكى وبهتر فردت نيهال وقالتلها--- لا -- انا سمعتهم لان صوتهم كان عالى (كانوا بيزعقوا)--- وسمعت ان فيه شخص كتب لبهتر بطاقة بها كلمات حب --- دنيز سمعت هذا الكلام و انصدمت
مشهد نيهال وهى تتحدث مع بهتر :
نيهال تقول لبهتر :فيه حاجة حصلت فترد بهتر وتقولها :لا لم يحدث شىء------ ردت نيهال وقالتلها : انتى لما اتيتى الى البيت قلتيلى ان احنا اصحاب ----- و الاصحاب مبيخبوش اى حاجة على بعض --ردت بهتر وقالت : احنا فعلا اصدقاء وانا مخبيتش عنك اى حاجة
مشهد عدنان يتحدث مع جميلة ويسالها :
ليه انتى دورتى فى جيب بهتر --- وحطيتى البطاقة على الارض-ردت جميلة وقالت : انا معملتش كده --رد عدنان وقالها :لكن انا شفتك فى غرفة نومنا --وانا واثق انك عملتى كده --- لكن جميلة انكرت مرة تانية --عدنان قالها : من الأن انتى سوف تخدمين فى المطبخ فقط وتحضرين العشاء ولن تدخلى غرفتنا مرة تانية
مشهد بهتر تتحدث مع امها فردفيس:
فردفيس بتقول لبهتر : انتى عندك مشاكل مرة اخرى --ردت بهتر و قالتلها : لأ--- ردت فردفيس لكن كاتيا سمعتك بتزعقى -ردت بهتر وقالت :لو سمعت مرة تانية ان كاتيا بتتجسس عليا --هطردها

حديث بهلول مع الفتاه:
الفتاه كانت بتقول لبهلول انه يقضى معاهم حفلة رأس السنة --لكنه قالها : مقدرش انا لازم اقضيه مع عائلتى

مشهد حديث فردفيس ودنييز(المربية):

فردفيس بتقول : باريس جميلة فى احتفال راس السنة -- انا مفتقدة الجو الجميل فى باريس --- وماذا عنك انتى (علشان دنيز فرنسية) مش عاوزة تروحى و تزورى عائلتك --- ردت دنيز وقالت :انا معنديش اى حد هناك غير ابى -- وانا مش عايزه اذهب وازوره ---ردت فردفيس وقالت :انا اسفة جعلتك تحزنى
مشهد حديث بهلول و عدنان :
بهلول بيقول لعدنان : فيه شخص خبط عربيتى فى الباركنج و مشى وانا معيش مال علشان
اصلحها-عدنان رد : ميهمكش-- متقلقش عليها --- واكد عليه انو لازم يحضر حفلة راس السنة غدا
بهلول قاله اوكى هاجى
مشهد حديث بيكر و بهتر :
بهتر بتقول لبيكر : كارتك سببلى مشاكل --ردت بيكر : لماذا لم تمزقيه-- ردت بهتر : انا نسيت --لكن انتى ليه احتفظتى بيه --ردت بيكر : هذه ذكرى جميلة من بهلول--ردت بهتر : انتى متجوزة --ليه تحتفظى بحاجة زى كده -ردت بيكر : بهلول سبب لى الكثير من المشاكل ---لكن لما الواحد يبقى معاه--ده شىء خاص جدا -انا مش عايزه انسى اللحظات الى كنا فيها مع بعض--انا بحب نيهات جوزى ---لكن بهلول كان شىء تانى ------------------------------------------- بهتر ردت :بدل انتى بتحبيه --ليه اتجوزتى نيهات- نيهال غضبت وقالت : انا مقلتش ان انا لا احب نيهات -- ومتقوليش كده تانى --- انا رايحة اشوف البيبى --- ومشيت

مشهد عدنان بيعطى بيهلول مفتاح العربية :
عدنان يعطى بهلول مفتاح العربية و يقولو انو ياخدها بعد الاجازة -- وان معجبتوش ممكن يجيب واحدة غيرها (عدنان شكله حاسس بالذنب من اتهامه لبهلول وبيحايله بهذه الطريقة )

مشهدعدنان بيقول لبيهلول انو يرقص مع بهتر :
عدنان بيقول لبهتر ان الرقصة دى مش الستايل بتاعه -- قومى ارقصى مع بهلول
اخر مشهد فى اسطبل الخيل بهتر مع بهلول :
بهتر بتقول لبهلول : انت ليه زعلان منى --انت حتى مش بتبصلى --- رد وقالها :انتى ليه احتفظتى بالبطاقة ---ردت : انا نسيت اقطعها -- بهلول قالها : - و من فضلك خلينا بعاد عن بعض علشان انا مش عايز ازعل عمى عدنان

ترجمة الحلقة 17

مشهد فردفيس (ام بهتر )مع ابنتها التانية (بيكر ) فى الجيموهم يتحدثون عن بهلول:
فيردفيس بتقول : انا مبشوفش بهلول اليومين دول --- وحاسة انه متغير -- ومعرفش ايه سبب التغيير ده --- ردت بيكر وقالت لها -- هو فيه حاجة حصلت له --- ردت فردفيس: مش عارفة -- بس انا مشوفتوش بالحالة دى قبل كده

مشهد الحديث بين بهلول و عدنان فى الشركة -- ونيهات دخل عليهم :

اتى بهلول لشركة عدنان وعزمه على المطعم ليحتفلوا (عرفانا منه تقريبا علشان صلح له عربيته )
عدنان قبل الدعوة -- نيهات (زوج بيكر اخت بهتر )دخل عليهم ---- عدنان قاله : انا خارج للغذاء مع بيهلول -- تحب تيجى معانا --- نيهات رد : شكرا -- انا عندى اوراق عاوز احضرها للاجتماع ( وطبعا كان باين عليه الغضب وزعلان ان المياه رجعت لمجاريها بين بهلول و عدنان و ده طبعا مش فى مصلحته)
مشهد المطعم وحديث بهلول و عدنان :
عدنان يخبر بهلول انه لم يعد يرى بهتر وانها مشغولة بانشطة تقريبا خيرية ( مفهمتش اوى )
عدنان عنده بعض المتاعب فى يده وبهلول قال له انه لازم يروح للدكتور -- رد عدنان وقاله انه عنده ميعاد للفحص عند الدكتور -- وهيبقى يقوله على يده -- وقاله له انه ميشغلش باله عليه

مشهدحديث عدنان و بهتر :
عدنان يخبر بهتر ان بهلول عزمه على الغذاء بمناسبة العربية الجديدة
المحادثةبين فردفيس ونيهال:
فردفيس بتقول لنيهال : انتى عندك بوى فريند -- ردت نيهال : لأ -- ردت فردفيس: قوليلى الحقيقة
انا بحفظ الاسرار--- ردت نيهال : لا -- فردفيس : يعنى مش بتحبى حد خالص -- ردت نيهال : برضه لأ--- ردت فيردفيس :ايه فكرتك عن بهلول ردت نيهال : انا مش فاهمة انتى تقصدى ايه -- ردت فردفيس :انا عارفة ان بيهلول بيحبك -- ردت نيهال : لا -- مبيحبنيش -- احنا زى الاخوات -- هو اخويا و انا اخته --- ردت فردفيس: لا -- هو بيحبك بس مش زى اخته -- ثقى بى --- انا عارفة ده من ردة فعله ناحيتك --- نيهال سكتت ولم تقل شىء -- وابتسمت--- ردت فيردفيس : انت متحبيش انه يختارك --- وفيه بنات كتير بيحوموا حواليه
مشهد الحديث بين بهلول و فردفيس :
فردفيس بتقوله: انت ليه مش موجود هنا اليومين دول -- قال : بذاكر جامد و مش فاضى علشان كده مش بقدر اجى -- قالت : تعال انا عايزة اتكلم معاك وقالت : ليه انت مش بتهتم بنيهال -- هى بتكبر-- ومحتاجة تخرج و تشوف الناس -- طوال الوقت هى فى البيت ومش بتشوف حد الا احنا
انت زى اخوها الكبير ولازم تهتم بيها -- لو هى معرفتش -- الدنيا ماشية ازاى حواليها -- احتمال تحب شاب غير مناسب وتكون النتائج لذلك سيئة -- بهلول قالها ك انت عندك حق -- انا مفكرتش فى كده -- قالت له :خرجها معاك --مثلا فى الويك اند القادم --- رد بهلول : اوكى هاخرجها
مشهد بهلول و نيهال وفردفيس:
بولنت بيقول لبيهلول انه عنده لعبة جديدة وعايزه يلعب معاه -- المربية دنييز قالت لبولنت انه عنده مذاكرة ولازم يذاكر -- بولنت قال لبيهلول -- بكره مساء تلعب معايا -- رد بهلول و قال : مش هينفع انا هخرج مع نيهال بكره مساءا--- نيهال اندهشت --- وبصت لفردفيس --- دنيز قالت : لازم تقولى الاول لعدنان --- ردت نيهال : وقالت : مش مهم طالما انا خارجة مع بيهلول--- رد بيهلول : لو عدنان ما وافقش -- مش هتخرجى معايا
ماذا قالت بهتر وهم جالسين على العشاء ؟:
بهتر تقول : انا مش عايزة اتعشى -- لكن لو عدنان عايز يتعشى -- انا هقعد -- وبعدين بهلول قال :انا رايح -- بس قبل كده قال لعدنان : ممكن اخد نيهال للخروج معى بكره مساء -- عدنان قال : مفيش مشكلة --طالما هى معاك مفيش مشاكل --- بس متتأخرش
مشهد حديث بهتر مع فردفيس فى غرفة النوم :
فردفيس قالت : بيهلول و نيهال بيشكلوا ثنائى رائع -- بيهتر قالت لها انتى بتقولى ايه --- ردت فردفيس :هتبقى حاجة جميلة لو اتجوزوا -- غضبت بهتر و قالت : عدنان لن يوافق -- دول زى الاخوات و اتربوا مع بعض -- ردت فردفيس : انتى ليه غضبتى -- ردت بهتر : علشان انا فى مقام ام نيهال و مسئولة عنها
-- فردفيس ضحكت وقالت : انا عارفة ان الجواز ده هيحصل سواء حبيتى او لا
مشهد نيهال و بهلول لما خرجوا معا ( فى البار او الديسكو ) :

نيهال بتقول لبهلول :البنات كلهم بيبصوا عليك -- رد بهلول و قال: لكن انا مش واخد بالى غير من واحدة بس وهى السيدة الحلوة الى معايا -- لما اتى اصحاب بهلول -- قالو له : دى فتاه جديدة -- رد بهلول و قال : دى بنت عمى
المشهد الاخير بين بهلول و بهتر فى غرفة بهلول :
بهتر قعدت تستنى عودة بهلول و نيهال و الغضب و الغيرة هيقتلوها -- واول ما رجعوا --ذهبت لغرفة بهلول و دار بينهم الحوار الاتى :بهتر قالت لبهلول : انت بتعمل ايه -- انت بتلعب بالنار --- رد بهلول :انا مش فاهم انتى قصدك ايه -- ردت بهتر :خليك بعيد عن نيهال -- وفى هذه الاثناء -- نيهال كانت جاية على غرفة بهلول وسمعت الكلام ده --- و خلصت الحلقة
اتمنى بعد القراءة تفهموا الاحداث ---- تحياتى [ندعوك للتسجيل في المنتدى أو التعريف بنفسك لمعاينة هذه الصورة]

اه فيه حاجة نسيت اقولها -- ان دنيز المربية كانت مستغربة من تقارب نيهال و فردفيس وسألت نيهال عن كده --- و من الواضح ان فردفيس بتلعب دورخطير--- وهى عايزة تقرب بهلول ونيهال علشان متخليش فرصة لبهتر تتعلق بيه

ترجمة الحلقه ال 18 من الحب الممنوع

بيهتر قالت لبيهلول ماذا تحاول ان تفعل ان تلعب بالنار
بيهلول : هل فقدتى عقلك ؟
بيهتر : ابتعد عن نهال
نهال دخلت عليهم وقالت ما الذى يحدث ؟ ماذا تعنى بان يبتعد عنى ؟
بيهلول قال لها ان بيهتر قلقه على دراستك لانها السنه النهائيه لكى واذا استمريتى فى
الخروج فى عطلة الاسبوع فهذا لن يكون جيدا لكى .
نهال : قالت لبيهتر ان تبقى بعيده عن امورها الشخصيه
بيهتر : انتى فهمتينى خطىء انا لا احاول ان اتدخل فى امورك الشخصيه
ولكن انتى تعلمين ان والدك مهتم كثيرا بتعليمك وانا فقط لا اريد لشىء
ان يشتت تركيزك فى المذاكره وكلنا نعرف بيهلول واسلوبه فى الخروج واللهو
نهال : ارجوكى لا تتحدثين مره اخرى من عنى من خلف ظهرى انا اهتم جدا بدراستى ودراجتى مرتفعه وليس لانى خرجت مره للسهر فهذا يعنى انى اعرض مستقبلى للخطر .
بيهلول : هذا بالضبط ما كنت اقوله لها .
بيهتر : اعتذرت ثم قالت تصبحون على خير
بيهلول : تصبحين على خير .
نهال : ماذا بها ؟ هل هى تهذى ؟ هى تحاول ان تكون امى ؟
بيهلول : احنا لازم نفهمها ايضا لا نها اذا لم تهتم بكى فسنقول انها مهمله ولا تهتم لامرك .
نهال : لا نحن لن نقول شىء بعد الان . ونحن سنستمر فى الخروج معا فى العطلات .
بيهلول ك عليكى ان تكونى مستعده لحمايتى لانهم اساسا بيلومونى على كل شىء .
نهال : انا سانهى دراستى مع درجه عاليه وهى سترى ذلك.

فى التالى التالى بيهتر خرجت لتتمشى قليلا وبيهلول ذهب معها وقال انه يريد ان يحلوا
الخلاف بينهم وعندما جلسوا فى النادى
بيهلول : قال لبيهتر لماذا انتى منزعجه منى ؟
بيهتر : هذا ليس بشانى او بشائنك . قلقى على فتاه صغيره سيتحطم قلبها
انا اعرفك جيدا بيهلول ومنذ ان كنت على علاقه ببيكر واعرف انك ستجرح نهال .
بيهلول : انتى لا تعرفينى جيدا بيهتر .
بيهتر : عموما انت لست منتبها ولكن نهال تحبك ومن اجل ذلك عليك ان تكون حذرا
والا تلعب بعواطفها
بيهلول : نهال ليست بخطر معى . صدقينى .
بيهتر : فى هذه الحاله لا يوجد مشكله . والان ممكن تعذرنى على الذهاب وانا اردت فقط
ان احذرك وشكرا على الشاى .. وتركته وانصرفت .
بيهلول ذهب الى الجيم وتصالح مع اليف .
بيهلول : عاد الى البيت وفرديفس استقبلته وهو سالها كيف تجرى الامور
فرديفس قالت له الذى حدث فى منزل بيكر وعندما وجدوا والد نهاد هناك ثم قالت له نهال وبولنت
فى الطابق الاعلى والمحبوبين ذهبوا الى لندن فى شهر عسل جديد
بيهلول : هذا رائع
.نهال سالت بيهلول اين كان وكيف قضى يومه بيهلول قال لها انه ذهب الى الجيم وبعد ذلك انصرف
لغرفته .
فرديفس قالت لنهال : لا تزعجى بيهلول بهذه الطريقه . الرجال لا يحبون ان يتم استجوابهم بهذه
الطريقه لانها تخنقهم . اهدائى وخذى وقتك .
نهال : انا لا افهم اهدىء من اجل ماذا ؟
فرديفس : انك انتى وبيهلول تصبحوا مقربيين من بعض. لا تلقى بنفسك عليه هو موجود هنا ولن يذهب الى اى مكان ولكن اذا استمريتى فى اعطاءه كثير من وقتك هو واستجوابه هو
سيغضب وسيرحل بعيدا عنكى .
نهال : ولكن هذا ليس كما تظنيين لا يوجد شىء بيننا . وارجوكى دعينا لا نتحدث
فى هذا الموضوع لانه يزعجنى .
فرديفس : انا عمرى ما كنت مخطئه وسوف ترين . واذا اردتى التحدث فى اى وقت انا موجوده .
نهال زعلت لما عرفت انا الخدم لم يدعوها للاحتفال بذكرى زواج الخادم سليمان وذهبت الى
غرفه بيهلول .. وقالت له انه جرحت لانها لم يتم دعوتها الى الحفل
بيهلول قال لها هذه ليست مشكله ولا تقلقى
.نهال قالت له انهم قابلوا الحبيب السابق لدينيز .
بيهلول : لا اصدق دينييز لديها حبييب سابق ؟
نهال : حدث هذا منذ وقت بعيد قبل ان تاتى هى عندنا وهى مسكينه لانه خدعها ومن ذلك
هم افترقوا .
بيهلول : هذا مؤلم ولكنه ممكن ان يحدث لاى شخص . الاخلاص لا يتعلق بالرجل او المراه
انها طبيعه بشريه والناس يرتكبون الاخطاء . حتى الشخص يجب الا يثق بحاله بهذا الخصوص
ودائما على الشخص ان يتوقع ما لايمكن توقعه وان يكون مستعدا لهذا ( ههههه بيهلول بيقول
حكم ومواعظ )
بعد ذلك نهال طلبت من بيهلول ان يخرجوا معا مجددا
بيهلول ك قال اتمنى الا تتوقعى اننا سنخرج معا كل ليله ؟
نهال : ولكنك وعدتنى اننا سنخرج معا .
بيهلول : كل فتره نهال .
نهال : والدى ليس هنا .
بيهلول : خصوصا وان عمى ليس موجودا . انظرى لنفسك فى هذه الحاله نهال ( تقريبا يقصد انها
تريد ان تخرج معه بدون علم ابوها )
نهال : بليزززززززززززززز
بيهلول : هذا مستحيل نهال واذا انتى استمريتى على هذا الالحاح لن اخذك مرى اخرى معى .
وبعد ذلك اثناء العشاء بيهلول وصل الى الييت ومعه اليف وطبعا بيهتر ونهال صدموا عندما راؤها
معه وبيهلول قال انه لديه خبر سار للجميع .ثم قال
عمى لقد اتخذنا قرار الزواج .. والجميع اصيبوا بالدهشه ونهال وبيهتر اصيبوا بصدمة العمر ...

ترجمة الحلقة 19


الترجمه

بعد اعلان بيهلول خبر زواجه واصابة بيهتر ونهال بصدمه نهال لم تستطع التحمل واصيبت بالاغماء وتم نقلها للمستشفى وبعد ذلك حدثت مواجهه بين بيهتر وفرديفس فى غرفة نهال
بيهتر : قالت لامها انها السبب فى ما حدث لنهال لانها هى التى اوهمتها ان بيهلول بيحبها وانتى جعلتيها تعيش فى الخيال وانتى تعرفين جيدا ان بيهلول لا ينظر اليها بنفس الطريقه .
فرديفس : لقد فعلت ذلك لانى احاول ان احمى زواجك من عدنان
لانه طالما بيهلول غير مرتبط فهو سيشكل تهديد على زواجك . حتى ان بيهلول قد شعر بنفس الشىء ولذلك طلب من اليف ان تتزوجه . وقالت لها انتى تزوجتى فقط من عدنان لانك رافضه لامك ولتنتقمى منى ولتظهرى لى انك افضل منى . وانا وانتى نعرف جيدا انك لا تحبين عدنان ...... بيهتر اصدمت لما عرفت ان امها ملاحظه مشاعرها تجاه بيهلول .
عدنان وبيهتر قرروا اخذنهال وبولنت والسفر لقضاء عطلة الاسبوع
بولنت سالهم اذا كان بيهلول سيذهب معهم عدنان قال له لا اعرف اذا كان سيحب القدوم معنا ام لا .. بيهتر قالت لا اظن انه سيذهب .
وبعد عودة بيهلول الى البيت فرديفس قالت له هل علمت بشان
الرحله ؟ بيهلول سالها اى رحله فقالت له انهم سيسافرون لقضاء
عطله نهاية الاسبوع .. وبعد ان صعد بيهلول للطابق الاعلى وبيهتر كانت تتحدث فى التليفون واقفلت الباب فى وجهه بيهلول انتظرها حتى انهت مكالمتها ثم قال لها
بيهلول : هل سنذهب فى عطله فرديفس قالت ذلك
بيهتر : نحن سنذهب وليس انت .
بيهلول : اذا انتم لم تكونوا ستخبرونى ولن تقوموا حتى بدعوتى . هل هذا صحيح ؟
بيهتر : انت الان تعرف اننى كنت محقه بخصوص ما قلته عن نهال .
بيهلول : ماذا يعنى هذا ؟
بيهتر : عندما قلت ابتعد عن نهال هذا ما كنت اقصد ما حدث لها امس بسببك
بيهلول : ماذا تقولين بيهتر ؟
بيهتر : انت تؤذى نهال فهى انقهرت بسببك لانها تغير عليك .
بيهلول : هذا مضحك . هذه هى طبيعة نهال الاغماء . انها دائما تنزعج عندما يكون فى تجمع لكثير من الناس ولذلك تصاب بالاغماء .
بيهتر : نهال عندما سمعت بخبر زواجك لم تتحمل . وافضل شىء ان تبقوا انتم الاثنين بعيدا عن بعض حتى تهدىء نهال وتعود الى حالتها الطبيعيه وتتقبل الامر . وحتى يحدث ذلك لا تقترب منها .
وبعد ان سافروا عدنان اتصل ب بيهلول وطلب منه ان ينضم لهم بيهلول حاول الاعتذار ولكن عدنان اصر ( وطبعا بيهلول فرح وما صدق وسافر على طول )
وعندما قابل بيهتر فى الفندق قال لها ان عمه اتصل به وطلب منه الحضور ..
وعندما كانوا يجلسون معا فى الفندق بيهتر سالت بيهلول متى ينوى الزواج . بيهلول قال انه لم يحدد بعد ولا يعرف متى سيتزوج . وتركهم وانصرف . عدنان : سال بيهتر فيما تفكر
بيهتر : قالت انها لا تصدق ان بيهلول ينوى الزواج بجد وقالت اليف
تريد الزواج فقط بيبهلول لانه ابن شقيق عدنان وايضا لان عمه لديه الكثير من المال ( واضح ان بيهتر ستقنع عدنان بالا يجعل بيهلول يتزوج من اليف )
وفى اليوم التالى بيهتر خرجت للتزحلق على الثلج وقابلت بيهلول
بهتر : انت فعلا تحيرنى لا تقول لى انك استيقظت باكرا لكى تتزحلق ؟
بيهلول : صحيح وانا بالخارج منذ ساعه ونصف .
بيهتر : انت وصلت الى هنا فى الصباح الباكر وما زلت مستيقظ ؟
بيهلول : لماذا انتى منتبه لخروجى ودخولى ؟
بيهتر : انا كنت بانتظار عودة نهال من الخارج وانت فى الغرفه اللى جنبها . حتى انك غير مهذب بتصرفاتك . حتى اننى سمعت سقوطك على سريرك . اهدىء قليلا .
بيهلول : انتى قلقه على ؟ هذا اثر بى .
بيهتر : انا عارفه تصرفاتك وعارفه انك لن تتزوج .
بيهلول : حقا ؟
بيهتر: نعم والجميع يعلمون انك لن تتزوج وانك لست جاد
بيهلول : اتحبين المراهنه ؟
بيهتر : موافقه .. ولكن على ايه ؟
بيهلول : نظر اليها وقال زجاجة عطر
وبيهتر انكبست .

وهاي مقطع من المسلسل
بس آخر دقيتين
وطبعا من الحلقة 19

مشكوره شكله المسلسل حلوو