مواجهه هادفة بين الشباب والبنات.............

هلا وين السؤال يلا مو مشكله بدي اسال انا السؤال هلا انتو ياشبابنا ياحلوين
ليش لما نحب شخصيه على تلفزيون ان كانت شخصيته لزلمه انا طنت او رجال
بتحكو عنو طنت وبيخزي وبتكرهو ما بتكرهو الباقين
ممكن اعرف شو شعوركم بهاي الشغله لما تشفونا هيك
وايش بتسموهها هاي الحركه الي طالعه منكم
؟؟؟
وثانكس

كلامك مزبوط ميه بالميه
بس انتو فهمتونا غلط
احنا لما نحكي عن ممثل هاد الحكي مو لانو منكرهو او اي شي
بس احنا منشوفك حبيتو فمنعمل هيك عشان نغيظكم مو اكتر
او هاد رايي انا بس عشان اعصبكو نكشه راس مو اكتر

السؤال؟
ليش انتو يا صبايا كل كما شفتو ممثله او فنانه
بتصيرو تالدو فيها باللبس والحكي والمنظر والى اخره
؟؟؟

مين هاد الكزاب الي حكالك انو احنا هيك بالنسبه الي انا لا مستحيل اعمل متلهم شو همه حتى اقلدهم اصلا هدول الناس الي بيطلعو على تي في بيكونو مزيافين مابتكون شخصيتهم الصح ازا كانو حلوين وبيسرقصو منيح ودلعهم جبااااار مو يعني اني اعمل متلهم انا الحمدالله شخصيتي بحبها وبحب اسلوبي بالحياه
وبعدين البنات الي بيعملو هيك بيكونوا ما عندهم شخصيه
بعدين بجوز ها بجوز همه بيقلدوهم بيحبو الطريقه والاسلوب تبعتهم لانو بيحبوهم واشي طبيعي شخص بتحبو كتير لا اراديا بتصير تعمل زي تصرفاته
زيكم انتو الشباب مع اني انا مو بشوفها عندكم لا اردايا بتقلدوا كتير شخصيات بتحبوها
متل اكون وما اكونش هاد
نص البلد عنا زيهم وال كمان زي 50 سينت وشلة الرابير هدول
مش عارف كيف بتحبو هيك اشكال بحسهم مابيعرفوا اشي اسمه رجوله وماشموا ريحتها بيوم
المهم بدي احكيلك شغله
مو كل اصابعك واحد وانا كمان لما كتبت هاد الحكي وعارف ومتاكد انو مو كل شباب هيك بس انا بدي جواب عن هاي الفئه
وثانكس على السؤال
سؤالي يا جنس ادم
ليه اسلوب حياتكم ماشي غلط بغلط نادرا اشوف شب على ئد حالو
يعني حياتكم بحسها مخربطه دايما فيها مشاكل دايما ما خدين فكره كل ما الرجال عمل مشكله بحياته
زادت قيمته ونرفع شانه
ومتلا كمان عندك اشي اسمه نظافه بشكل عام معدومه (انا مو قصدي النظافه الشخصيه حرام هاي احسن اشي انتو شاطرين فيه عشان اتبينوا زلام شخصيه وحلوين قدامنا)
ازا شفتو شب مشالله رجااال وعلى قد حالو وعنده نظافه بكل اشي بتحكو عنو هاد طنت او ابن امو ومش زلمه
ليش انتو هيك ليش
؟؟

سؤال جميل ومهم جدا
اول شي بالنسبه للمشاكل معانا
مو انا منحب المشاكل ومن هالحكي لا
بس لو تفكري فيها مزبوط بتلاقي انو فعلا احنا المشاكل بتلحق فينا ومو سايبتنا بحالنا
يعني كمثال
اذا شب حب بنت بتصير مسؤوليه الشب انو يوصل للبنت ولاهلها
ويعمل ما بوسعه ليتجوزها
اما البنت ما عليها الى تستنى وتحاول كمان انها توقف معو
لكن الهم الكبير فوق راسنا احنا صح
تاني شي
النظافه [ندعوك للتسجيل في المنتدى أو التعريف بنفسك لمعاينة هذه الصورة]
كمان مو كل اصابعك واحد وانا بحكيلك انو فعلا في شباب تنقصهم النظافه الشخصيه يعني الصراحه راحه
تالت شي
اكون و 50 وهالشله
بكون كزاب ازا حكيتلك ما بحبهم بس بنفس الوقت ما بقلدهم
يعني بعمري ما لبست هاللبس او اتصرف متلهم لكن اه بحب اغانيهم
ومرات كتير بكون ماشي انا والشله لا اراديا بصير اغني لحالي
لكن هاد مو تقليد هاد بس عباره عن واحد زهقان مش عارف شو يعمل
بالنسبه للشباب الي بكون رجال على اد حالو
وبيجي عندي بحطو بعني وعراسي لانو هاد نوع الشباب الرجال مو الشباب الفافيه
مش مهم كان نظافه ولا لا المهم لما يمشي معي ما اشوفو بيعمل حركات دلع وزناخه
لانو اذا بعمل هيك وهو معي لا امو ولا اهلو كلهم بحمشولو
وشكرا على السؤال الجميل

السؤال
ما الغايه من حياتكم ؟؟
يعني احلام الشباب كلها متقاربه ومعروفه ومتوقعه
انتو شو احلامكم شو نظرتكم للحيا
ايش هي الغايه الي بتعيشو عشانها ؟؟

انو نضل غايظينكم طول مااحنا واياكم عايشين على وش الارض
ونبينكم انكم ولا اشي بالنسبه النا
سوري انو مو قصدي عن الكل بس قصدي عن الي بيكرهو البنات ومابيعرفوا شو قيمتهم
واحنا النا غايه اكبر واهم انو اضلني عايشه بما يرضي الله وعارف وجباتي اتجاه ديني وحياتي
هاد بالنسبه الي واعتقد هيك باقي البنات واما شغلة فارس الاحلام ما احلام انسى هاي شغلات لما نكون طفرانين بنفكر انو نفكر فيها هاد ازا فكرنا وثانكس على السؤال

سؤالي الكم نفس السؤال ؟؟
اشوف بالله انتو ليش عايشين

اول شي سوري عالانقطاع الطوييل بسبب الظروف الجوية :)
والله النقاش حلو ومولعة ... فحبيت اشارك

احنا ليييش عايشين ؟؟!! امممممم
السوال حلو وجوابو طويييل جدا بس بدي احاول اختصر الاجابة ..
طبعا انا بحكي عن حالي كتامر ومش كل الشباب نفس الشي ..
انا مثلا طموحي اعيش حياتي الجامعية كل يوم بيومو من نشاطات ودراسة وشلة ونوادي وغيرو وبعد هالفترة هااي اتخرج من كلية الهندسة بتقدير جيد جدا على الاقل وبعدها رح تكون وظيفتي جاهزة بشركة البابا :) وبراتب ممتاز
وبس (اكوم) حالي رح اكون جاهز لطلب البنت اللي بحبها ورح ضل حبها
وبفترة الزواج رح نكون عيلة ونعيش حياتنا اليومية بشكل جديد وبعيد عن الروتين واكيد برضا ربنا

هاي حياتي من هون ل5 سنين
وانشالله تتحقق ..

هلا سوال الكو ....

ضع دائرة حول رمز الاجابة الصحيحة مع تعليل اجابتك ..

ليش بتسمعوا اغاني كتيير ؟؟
1- تسلية وتطيير زهق
2- الاحساس بالرومنسية والحب
3- اعجابا بالمطرب او المطربة
4- ولدنة
5- جميع ما ذكر
;)

بتقدر تحكي جميع ما ذكر صحيح
[ندعوك للتسجيل في المنتدى أو التعريف بنفسك لمعاينة هذه الصورة]
شو رائيكم بالبنت بالي بتقعد على النت وبتسخددمو بشكل طويل
؟؟؟

في صور لاستخدام النت :
اللي بتضلها تطش وتفتل بغرف الشات وعايميلات الشباب كل يوم شب: ( فاضية اشغال وتافهة )
اللي بتستخدمو للابحاث والعلم والمنتديات والفائدة والاستفادة وقليل من التسلية زي الادمن تبعتنا يعني ( الها مستقبل باهر )

سوال ليكو با بنات :

ليش بتحبو كرستيانو رونالدو كتيير وبتعطو اكبر من حجمو مع انو ميسي بحرقو حرق
بس عشان ميسي قصير ومش حليوة زي كرستيانو زالمينوا ... مش حرام عليكو؟؟

منو هاظ الي حكالك انو احنا منحب رونالدو
ولميسي التاني هاد
بصراحه صحبيتي لما تقعد تحكيلي عن رونالدو وعن جماله الخارق بقرف
وتاني شي كرهته بزياده لما شفته مطلع دعايه عن كلير مبين زنخ
بس لبسته احلى اشي بدعايه
هلا مش هون موضوعنا
اسالني ليش احمد عز ليش باش وشله هاي
مش تجيلي على تعون الكره من هدول اصلا

سؤالي الك امير البحر ليش لهلا عندك رمضان متى ناوي تعيد
؟؟؟
وازا ماجاوب امير البحر سؤالي للجميع شباب (من كتركم ال (
ليش لما البنت الي تحبكم تعمل اي شي ماعجبكم(طبعا الموقف بتكونو فاهمينه غلط وبتكتشفو اخر شي انه ما عملت اشي ) بتروحو دغري زي كانكم ماصدقتوا بتروحوا تخونوها وبتحبو تبينو هاد شي الها وتصير ال تقاتل وبتبعد عن اسلوب الحوار ونقاش
وبتصير تحكي مابدي احكي معها هي مابتستاهل
يعني بدال متهدي النفوس بيناتكم بتصيرو تشعللوها
؟؟
وعلى فكره الخيانه وتوحش بالحب اكثر موجوده عند الشب مو البنت هيك انا بشوف

يلا ماحدا بدو يجاوب
شكله خايفين من سؤال الشباب شكلكم موئدو للسؤال
ازا مو حلو ن غير مو يالفلي ؟؟

موضوع: THANX الأحد نوفمبر 08, 2009 12:54 pm

YISLAMO :am12:

سؤالك جميل
بس ما بعتقد انو بمحلو
يعني بالانسبه للشب لما يحب وحده بحبها من كل قلبو مو هبل
فلما يشوفا بتعمل شي هيك ولا هيك طبعا رح يطير عقلو
ويصير يضرب اسداس باخماس
المشكله مو انو الشب بفهم غلط المشكله انو البنت ما بتفهمو ولا بتحكيلو بدي اعمل هيك ولا هيك
ما بتراجعو يعني وتعرف شو رايو الى بعد ما يكتشف هو بطريقه او باخرى
طبعا مو كل البنات هيك بس اغلبهم
اما بالنسبه لتوحش الحب وهالشي
مو بس عند الشباب موجود كمان عندكو يا صبايا يا حلوين
بس اقوى عند الشب بكون لانو اذا نضرب الشب مره بالحب بصير يكره الحب ويكره كل شي الو دخل فيهو
فالافضل انو لما اي واحد فيهم بدو يعمل شي يحكي للتاني ويشوف شو رايو
وشكرا
السؤال ؟
شو نظرتكو للشباب بشكل عام
شو رايكو فيهم
وبصراحه وبدون هبل ؟؟؟؟؟؟؟

بصراحه
انا بحسهم بيخوفوا بحزن عليهم مرات عشان وراهم مسؤليات
ومرات بتمنى اكون شب عشان اعيش بحريه اكتر زي ما انتو بتعشوها
ومرات بحسهم تافهين سوري مو الكل اما مشالله مبين على الشباب الي عنا بالمنتدى شكلهم مشالله قمة الادب والاحترام فما بقصدكم

المهم بشكل عام بني ادمين زينا زيكم
خخخخخخخخ

سؤالي مين اكتر شب بتكرهو من نجوم السينما ولييييييييش؟؟

بالنسبه الي ولا واحد بكرهو منهم لانو مالي فيهم شي
بس بحب اعصب الصبايا ولنكش راس عليهم لما احكي مثلا ريتو مهند يموت
بس واحد الي بكرهو فعلا بنجوم السنما هو تامر حسني لاني بحسو باااااااااااااايخ
مع احترامي للجميع يعني

السؤال؟
شو رايكو بالشب الي عايش حياتو عشان يحب
والشب الي بيحب عشان يعيش حياتو
ومين افضل؟؟؟؟

الاتنين قصدهم حلو بس الاحلى التاني الي بيحب عشان يعيش حياتو
بيحس هاد الو هدف ليش عايش يعني حلو الانسان يعيش لحدا مو لالو بس

ثانكس على سؤالك اللزيز

لو تجوزت او متجوز وامك ومرتك تعارضو على شغله وانت مقتنع انه مرتك على حق بتكسح امك بهاد الموقف ولا شو موقفك ؟؟

والله بالنسبه الي ما بكسح حد
بالعكس بحاول اهدي المساله بينهم واورجيهم انو التنين غلطانين
ال يعني بدي اطلع انا الفالح بينهم

السؤال؟

مين اكتر ممثل او مغني يعني نجم سنمائي بتفضلو وليش؟؟

انا بالنسبه الي مغني تامرحسني
السبب لانه كرموش واغنيه كتير حلوه واهم شي روماااااااااانسي
واما بالتمثيل رامز جلال
بحسه كتير بضحك وهو كمان امور

لو سمعت سمع بس انه حيبتك بتحكي مع شب تاني مو قصدها انو حبيبها لا
صداقه بس وهو الشب الي بتحكي معه ماخد الموضوع برضه صداقه
انت شو موقفك هون شو بتحكيلها ؟؟؟

على الفكره الموضوع كتييييير عجبني

والله بالنسبه الي وبخبرتي المتواضعه
الي بيحب ما بلزمو صداقات
يعني انا لما حب وحده ما بروح بحكي مع غيرها واحكيلها صداقه
لنو بس حب ما بيلزمني غير حبيبتي
صح ولا لا
وهيك الصبايا لازم يفكرو ويعرفو انو ما في مجال للصداقه بعد الحب
وهاد ما بيعني اني بحب او رح اعترف بالحب اساسا

وسؤالك ع فكره حلو كتير ومهم لانو كتير بتصير بين الحبيبه

السؤال؟؟ 5 علامات

انتو برايكو يا صبايا يا حلوين
ممكن يتحول الحب الى صداقه ؟
وهل يمكن انو يتحول الصداقه الى حب
مع التعليل؟؟

ههههههههههههههههه
عجبتني طريقه جوابك

بس سؤالك حلو كتير عشان هيك رح اجاوب عليه وبعدو رح اعيدوا
انا برأي انه مافي حب بعد الصداقه احكيلي ليش لانه الواحد لو من اولها بفكر شو قصده وشو نيه تبعته بهاي العلاقه بضلها زي ما بلشها
اما ازا بلشها انه صداقه وهو قصده يحب ومابعرف شو لا هون اصلا مو صار اسمها صداقه قصده بدو يشوفها مناسبه تيحبها ازا ما حبها وشافها مش كتير مناسبه الو بيكملها صداقه اما ازا حبها وبعده اعترفلها هون قمة المشكله هو او هي رح تخف علاقتهم عن قبل
اما الحب بعده صداقه هاي ما بامن فيها لانه بتكون صعبه على الاتنين ومارح يعرفوا يتاقلموا مع بعض حتى لو كانت صداقه
انا هيك راي
وللعلم في ناس كتير اصحاب وبيحترموا الي بحبوهم وفوق هيك بيكونو صدقات كتير حلوه
يعني بنت مرتبطه كونت صداقه مع شب مرتبط وبتعاملوا مع بعض كانهم مو بس اصدقاء اخوه
وكتير عارفين انو علاقتهم هاي مستحيل يصير في اي موضوع خيانه للبيحبوهم

وثانكس كتير على السؤال
بدي نفس سؤال الكم

يا ترى لو فى فرق عمر بينك وبين حبيبك على العلم ان البنت هى الاكبر هل تقبلوا بالاستمرار معا ام ترفضوا استمراريه العلاقه بينكما؟؟

اتمنى عن نفسى ان زوجى يعمل فى اى وظيفه بس بشرط تكون محترمه ودخلها مريح :oops:

اه انا مع راي الحب بعد الصداقه والصداقه بعد الحب
لانه مابتعرف شو بصير سبحان الله مغبر الاحوال ممكن
لانه احتمال الاثنين يكون في عندهم امل انه يرجعو مع بعض ويضلوا سوا
لانه الانسان صعيب يتخلى عن شخص حبه وتعود عليه ان كان صديق و حبيب

سؤالي الكن ياصبايا
مين بتفظلوا اكثر الزلمه الرومانسي ولا الزلمه المتعصب وبخبي حبه بقلبوا بس ابدا لا يمس الرومانسيه باي صله
؟؟؟

malak كتب:: يا ترى لو فى فرق عمر بينك وبين حبيبك على العلم ان البنت هى الاكبر هل تقبلوا بالاستمرار معا ام ترفضوا استمراريه العلاقه بينكما؟؟

ما دام الحب صادق ف مش مهم العمر

انا من راى انا الحب شى جميل
بس لوانا اكبر من الا بحبه لا وكمان ممكن ان الحب يجى مع الصداقه لان الحب شى جميل
ومحدش يقدر يعيش من غير ما يحب
ويسلمووو على الموضوع الجميل
بس ايه رايكم من الحب الا فى نفس العمر

والله الفكره ناااااااااااااااااااااااااااااااااااااااااااااااااار

ميرسي كتير يا ادمن

» اسئلة للشباب والبنات
» 7 مستحيلات عند الشباب والبنات
» حركات تنرفز الشباب
» الفرق بين الشباب والبنات كل يوم الصبح
» اسئله لشباب والبنات //?????